咖啡亭 (已結業)

经常同女友周街揾野食，但甚少食buffet。一来女友怕肥兼食量唔多，而自己麻甩到一碟碟头饭加杯奶茶已经很满足，拍拖数年只曾食过1次自助餐。这次是数得出的第2次，之前已有朋友推介此酒店buffet ，而「开饭喇」更有二人同行优惠， 掂晒！行街行耐咗， 8:40分到达已见不少人正在用餐。大条长龙排队，望一望原来系生蚝！人排我又排，排到去只可以拎3只，唯有走多两转。开蚝师傅都快手，条龙好快减半，爱尔兰同南非两款放在同一碟内，其实我食唔到有太大分别，但又食到几新鲜。蟹脚有两款，记得食有刺𠮶只，味道系正过无刺𠮶只！女友喜欢沙律菜，都算多种类同好多酱可以自己拌；薄牛肉出奇好味！蟹肉芒果沙律又系睇唔出咁好味，刺身有三文鱼甘虾好几样，专人去切，叫佢厚切三文鱼又真系切到厚厚比我~！可能系酒店关系，三文鱼真系新鲜好味无雪气。热食都可以，羊扒同雪鱼好食，糯米饭比起庙街食店有过之而无不及。自选意粉都食得过，甜品区全不起眼，无侍应生同我讲真系揾唔到.... 燕窝炖蛋好滑好正！其他唔记得太清楚了。下月家姐生日可以再考虑食多次。