Flying Pig Bistro

营业中

休息中

其实平日去西营盘真系好chill！明明返紧工得一个钟头lunch hour, 喺呢头食个晏都好似叹过人！如果遇正好太阳，直头会令你唔记得自己今日喺返紧工！天气好到呢～今日约咗🐷先生同我喺公司附近食𠮶lunch。终于约到佢出嚟，虽然佢又迟到，不过以夜晚先出动嘅佢已经好好喇！😂🤣行行吓揾咗呢间Flying Pig 去试试，其实成条街嘅嘢食都差不多，因为都系under Castelo 集团，只不过咁啱喺我等紧🐷先生嘅时候呢间嘅老细喺门口，大家又倾咗几句，所以就入去坐低等。🐷先生嚟到后， 我哋嗌咗个肉眼牛扒同法国嫩鸡午餐，一个配沙律、一个陪配周打鱼汤。味道好，摆盘又靓！食都食得开心啲呀！ 😊👍🏻主菜好丰富！牛扒好好味，煮得啱啱好，好嫩滑，好juicy，一啲都唔'鞋'！反而个嫩鸡就唔系好嫩，但系好在有个烧烤汁撘救！所以都系好味嘅！😋😋最后老细仲送咗两件蛋糕俾我哋做甜品，不过我哋唔多钟意食甜嘢，所以食咗两啖就已经好食。连相都唔记得影添！不过都好多谢老细嘅一番心意！😊😊成餐饭食得好开心，食完仲可以行下，晒下太阳！西营盘简直系情侣嚟偷闲嘅好地方！好开心，好chill.... 不过之后要九秒九跑返公司！