板燒郎燒肉鐵板放題料理專門店 (已結業)

早前喺Facebook见到呢间餐厅五周年优惠 二人同行一人半价，所以就过嚟试吓啦。 够钟五点钟去到入座，冇乜客人应该系啱啱开无几耐，环境都几干净同清静😆店员话俾我哋知升级版会更加好食，见到有鲍鱼同长脚蟹任食就试吓啦。店员一开头已经帮我地安排左刺身食物，等我哋可以一路食一路等都几贴心，仲要送咗两碗龙趸汤俾我哋刺身同寿司都非常好食，但系我就唔钟意个寿司饭咁酸。肉类嘅份量亦都唔会好大，啱啱好女仔个口，味道同其他餐厅差唔多啦，隔离亦都有调味料可以比自己调味。值得推介嘅系飞天炒通菜同埋吉列炸蚝！个通菜完全唔老，食落好香口吉列炸蚝啱啱炸好一咬落去就好多汁啦已经埋单都系三百几姐，都算抵食啦！