大姆指餐廳 (已結業)

话说寻晚同朋友行街行到好累，于是就向屯市求其揾间茶餐厅医肚。我地两个叫左个二人套餐，可以拣2个小菜，并奉送两碗藜麦饭、中汤和一碟前菜。等左一阵之后，先黎一碟木耳铺面芽菜摆底既前菜，木耳口感不过不失，不过芽菜略嫌太生。之后分别黎左一客京都菠罗炒猪扒以及鱼香茄子鱼柳煲。先讲京都菠罗炒猪扒，其实碟𩠌OK，只系京都汁变左咕噜汁（如果朋友唔讲我真系唔知）。跟住就系鱼香茄子鱼柳煲，朋友食完之后，特意叫我试一试，睇下我有咩评价。我初头谂鱼香茄子煲咁大路应该OK啦，点知一食咸到入肉。我知鱼香茄子鱼柳煲本身会落咸鱼，咸咸地，但果种咸似系落左劲多盐既咸味，每食一次鱼柳同茄子都咸到打哂冷震，真系好难接受。值得一提的是，原本的藜麦饭变左白饭。其实我个人食白饭系无问题。不过如果黎到既野同我系menu上面见到既野有出入，侍应过黎讲声会比较好啰。至少我会舒服D。不过咸柠七同中汤系几好饮的。