大姆指餐廳 (已結業)

時間過得真快，又到午餐時間了，逛來逛去，不知道食咩呀！😀 繞過商場，途經大姆指，隨便 隨意，就這樣吧搵個小小卡位，舒舒服服坐下來，看看餐牌，午市套餐，有米線、飯 、炒 等等，奉送熱飲，或者𨍭配糖水 加$12乾炒叉燒火腿米 $50大大碟，材料多、豐富，炒得夠香，火煺、叉燒 切條，芽菜、洋蔥、、米粉份量太多，吃不完，浪費啲啲😀剩餘少量習慣性，來杯熱奶茶 😋總結： 簡簡單單的一餐，吃得飽飽🤗，下次再嚟，拜拜😊

今年新年冇乜氣氛啦去長輩屋企拜年都冇大家食飯，抗疫要緊😊唯有外賣啦好多餐廳都有開香港人真勤力平時用開外買平台見到這間大拇指茶餐廳有六折！新年都有太抵啦叫了二人餐有兩個小菜都幾有鑊氣味道唔錯而且份量仲好大添咕嚕魚塊屋企人覺得好好味，酸酸甜甜仲有買個小食云耳，送埋兩碗例湯加幾蚊仲可以加埋糖水添真係超抵呀

好少入屯門，唔知屯門有咩好嘢食今日去到屯門，真係非常之肚餓，所以去到西鐵站附近求其搵咗間茶餐廳醫下肚見到呢間大拇指茶餐廳出邊個餐牌，11點幾都仲有早餐，好似幾唔錯入咗去啦睇吓個餐牌，原來平日去到12點都可以叫早餐，唔差唔想食得咁Heavy又有另外一個選擇<火腿通粉配炒蛋$37>叫返個火腿通粉食下都唔錯火腿通粉都幾大碗下，不過個湯底冇咩味炒蛋目汀有三隻蛋嘅份量，片乾唔係好多蛋汁，不過蛋味都夠重<叉燒通粉配炒蛋$37>叉燒份量都幾多，不過有啲差柴，質素一般

午餐 $55 雞扒肉燥大碗飯＋$12優惠價渣咋，侍應同我講因為以優惠價換糖水，所以無飲品，我$55個餐包裝飲品，優惠價唔係唔洗比錢，你點解要扣我杯飲品，呢啲收費根本唔合理。

機乎每次都係食喇沙豬軟骨肉米線，喇沙有濃厚的椰香味，香濃而不辣，一點都不油膩，豬軟骨入口即化，炆得夠入味，再加上一片彈牙炸蝦餅，口感層次很豐富，所以每次來食都只係會點喇沙，真係吃不厭

呢間野去過兩次，好搞笑，一到晚飯時間，啲伙記可以坐低享受佢個晚餐，好似佢係客咁，叫佢寫野冇反應一副完全唔在乎既樣？其實你地班阿姐係返黎打工定食野架？宜家咁既時勢，你老闆都可以養著咁大批冗員，真係好有善心...樓面唔夠人，就犀走啲冗員，換過班新血啦⋯⋯香港大把人無工開架，大把選擇。食個一個公仔麵餐，真心難食，仲要收人51蚊

平日三點三，加上疫情既關係更加係大把位。呢度下午茶有好多款式，有麵包類嘅輕食甚至炒粉麵飯都有，有$30到40幾不等。今次叫咗個鹹牛肉蛋治加多$8就可以有碗細既沙嗲牛肉米線🍜。蛋幾滑，鹹牛肉唔夠多米線好滑溜，茶走好飲😋

今日去到屯門唔係好識路行左左去屯門廣場附近搵野食，度度都好多野食，見到間大姆指就入去啦，入面都好多人食緊，又好闊落，可以慢慢坐底食個午餐，個度有好多個餐牌，可以慢慢睇，唔會有侍應企係格離吹你落單，禮貌都幾好，不過好似譚仔阿姐咁講野😂😂你地睇下有幾多選擇，真係會有選擇困難症呀🤦🏽‍♂️🤦🏽‍♂️🤦🏽‍♂️叫左個餐好底食👍🏼👍🏼有兩款扒，加腸蛋個啲一款都係五十幾蚊🤣仲要送杯大大杯既檸檬薏米水

話說尋晚同朋友行街行到好累，於是就向屯市求其搵間茶餐廳醫肚。我地兩個叫左個二人套餐，可以揀2個小菜，並奉送兩碗藜麥飯、中湯和一碟前菜。等左一陣之後，先黎一碟木耳鋪面芽菜擺底既前菜，木耳口感不過不失，不過芽菜略嫌太生。之後分別黎左一客京都菠羅炒豬扒以及魚香茄子魚柳煲。先講京都菠羅炒豬扒，其實碟餸OK，只係京都汁變左咕嚕汁（如果朋友唔講我真係唔知）。跟住就係魚香茄子魚柳煲，朋友食完之後，特意叫我試一試，睇下我有咩評價。我初頭諗魚香茄子煲咁大路應該OK啦，點知一食咸到入肉。我知魚香茄子魚柳煲本身會落咸魚，咸咸地，但果種咸似係落左勁多鹽既咸味，每食一次魚柳同茄子都咸到打哂冷震，真係好難接受。值得一提的是，原本的藜麥飯變左白飯。其實我個人食白飯係無問題。不過如果黎到既野同我係menu上面見到既野有出入，侍應過黎講聲會比較好囉。至少我會舒服D。不過咸檸七同中湯係幾好飲的。

份量大，侍應有禮貌，上餐也很有效率，可以自選兩款扒，再另加選一款食物，牛扒不厚但沒有根，鷄脾不會炸得太乾亦不太肥，田園蝦餅反而似魚餅，如飲香檸薏米水是免費升級的。

大拇指一向都好多人 不過好在係多位 出餐係算快架咁平時大拇指同燉奶佬差吾多啦 咁依個午餐set吾知燉奶佬有冇 吾記得左係50幾啦 係送野飲既 檸檬薏米水係free既 咁依個set係簡兩款扒 咁我簡左吉列魚柳同香茅豬扒 吉列魚柳好大塊！真係好正 仲要岩岩炸起 熱辣辣咁豬扒都大扒肉質軟吾硬易切 簡完兩款 再簡一款副食 啫係火腿 餐肉 蛋果啲 咁我係簡左蝦餅 但唯一尼講 吾好食個蝦餅可能係期望落差啦咁有黑椒汁咖哩汁蒜蓉汁....等等 配飯or意粉

好想同大家分享下屯門呢間咁抵食ge 餐廳。真係抵食， 👍🏻真係好抵食囉。 因為$56真係有花膠食😋， 唔係得d 碎， 雖然呢個價錢大家都知道唔會係食到特級花膠， 但佢都唔係得d 碎濕濕幾粒， 原隻ga, size 都有掌心 ✋🏻咁長ga, 大佬呀， 餐廳收你 $5️⃣6️⃣咋。我叫左個花膠湯飯 ~真係街坊價食花膠雙菇魚餅泡飯$5️⃣6️⃣有圖有真相， 真係有原隻花膠食， 個湯都好好飲， 唔知係唔係魚湯底呢？ 因為見係奶白色湯， 配埋2件魚餅， 真係好夠飽呀。

市中心茶餐廳選擇唔算多，weekend梗係要食個late breakfast 🥞 假日都基本上full House，叫咗個豬扒米線早餐，真係食得出好求其！湯非常之淡，豬扒唔見得好食，炆冬菇唔錯，唯一杯奶茶好味嘅，應該隔好耐都唔見㗎啦😅😅

行到好熱，想搵間茶餐廳坐低飲杯凍野同食個lunch。不過不失嘅食物，叫左3個餐，黎得快，味道ok,係個喇沙個味比較淡左，個價錢都正常，跟餐加$10轉左特色飲品（凍檸樂），喺咁熱嘅天氣下覺得特別正😂😂

在市中心逛街良久，見到大姆指有座位，便進去坐坐食個下午茶休息一下。座位雖然有少少迫，不過還可以接受的。見到餐牌都有幾多選擇，因為實在太耐無食過蝦多士，於是叫了一個懷舊蝦多士配千島醬餐！想像中的蝦多士應該是有些蝦膠夾在多士上，但上菜原來只是將一隻吉列蝦放在麵包上，再加點千島醬便算，令我有點失望。味道上，千島醬太多，根本食不到蝦的味道。這個下午茶還配上飲品，我點了一杯熱飲熱檸水（不用加錢），味道不過不失吧！但這個下午茶餐承惠＄39元，好像不是太化算呢！有趣一提，當我想享用多士時，驚覺整個餐具籃全都是刀！無叉用呀！XD