寶蓮苑素食 (已結業)

如要企理少少坐低食餐斋的话，中上环选择不多，呢度算系较有规模的一间。由一个食开斋的朋友带来，佢话斋期呢度更是一位难求。叫了二人套餐，包粟米粥、斋卤味同罗汉斋炒面。粟米粥几好味，但有味精；斋卤味都唔错，虽然多油﹝斋卤味又点能够唔多油？﹞，无咩油益味，个人最喜欢将酸斋同斋烧鹅夹在一起吃，如果斋烧鹅新鲜炸起就更正！罗汉斋炒面个茨汁太劲，唔系太喜欢，但朋友说味道唔差。连加一茶芥贴士一百蚊，好似贵左少少。食完仲要拿拿聱去转角生果舖饮番两杯橙汁解渴，我个朋友仲问点解咁口渴，果然系食开斋！