居食屋「和民」 (已結業)

属于你和她的二人晚餐－居食屋 和民其实我都几钟意去和民食晚饭，因为选择多，环境舒适，唔会赶你走，可以比你慢慢坐。员工亦都有礼貌。不过众所周知，和民几乎间间都成日排长龙，要等位，有时真系要等好耐，我地今次早左去，６点３０左右啦，而且系中环，星期六晚比较小人，所以就唔使等位。不过走既时候（８点３０左右就好多人排队啦）而且非繁忙时段２－３个人都可以坐好大既卡位，好小会赶你走。情侣或者一家人食和民其实都几方便，想食饭，面，日式，韩式，小食都有。例如我个日想食饭，男朋友想食拉面，又想食打边炉，和民都可以满足我 琴日食和民二人套餐，价钱＄２７８加一后大概要＄３００左右啦二人套餐份量真系好多，包括左一个沙律，三个小食（炸鸡软骨，三文鱼，年糕）仲包一款前菜，主食同打边炉：３真系好幸福：）慢慢食之后仲可以同男朋友慢慢倾计 慢慢叹～