茶茶台式料理 (已結業)

话说呢一年，好多时一收工就会返屋企，直接买外卖返屋企食，或者等屋企人煮饭，都冇咩机会出到去出边嘅餐厅食晚饭，因为最近疫情开始好转，都多咗机会出去行吓街、食吓其他嘢，而今次呢就约咗女朋友出去旺角，陪佢睇吓衫裤鞋袜，而佢呢就陪我睇吓玩具，行完之后呢，就准备食晚餐啦，而我就问吓女朋友想食啲咩啦？，咁佢就话想食下台湾嘢，今次拣嘅地方，就系茶茶 台湾料理，而今次呢就叫 咗盐酥鸡扒卤肉饭，鸡扒呢就非常香脆，卤肉饭嘅份量亦都非常之多，两个人食啊都好足够啊，亦都嗌左酥炸花枝丸，咬落去呢，非常弹口，配上泰式辣酱，好味道，佢最值得推介，就系凉拌木耳，作为前菜嘅话，非常开胃，份量又够多，最重要佢系非常有益㗎，饮品就叫咗满杯红柚子，酸酸地几开胃,场地呢就属于非常光猛，店员都好友善有礼，坐得好舒服，食完就送女朋友返屋企啦