拳王泰國餐廳 (已結業)

泰国菜一年四季都啱食，我钟意佢唔太热气，味道酸酸甜甜又开胃！呢间拳王泰国菜馆就响一兰拉面附近，好易揾，坐低后侍应亦都送上一碟虾片做前菜，估唔到碟虾片有脆又香！虾味亦出！鲜菜我哋叫咗啲个蟹肉夜明珠，起初我哋系比个名吸引嘅，估唔到入口都有惊喜！出面系大大原粒肉厚嘅荔枝肉，好甜，入面系唠啖蟹肉！好鲜，估唔到两者咁match！餐饮我饮咗芒果沙冰，唔太甜，入口滑，不错。朋友嘅芒果梳打我冇试，但佢话唔太甜，仲有淡淡芒果肉，颇喜欢。主食我哋叫咗炒金边粉，比想像中大碟好多，甜甜酸酸好开胃，金边粉亦都好弹牙，外边用蛋浆包住。另外烧鸡翼亦都好惊喜，我地原本我叫左两只，上到枱有四只，职员话系因为今日嘅鸡翼比平时细所以送多两只俾我哋食。鸡翼外皮烧得香脆！将脂肪迫了出来，肉质嫩！好香！我同朋友都系最钟意呢道菜！