街頭火鍋

营业中

休息中

今日系朋友介绍之下，去咗铜锣湾嘅街头火锅。入边嘅装修真系好特别，好有街头嘅气氛，而且店员嘅态度都非常之好，佢会推介一啲适合两个人一齐食嘅菜单👍🏻我哋就拣咗一个二人餐佢都有猪或者牛去拣，我哋就拣咗要牛嘅套餐🐮系汤底方面我哋就要咗台式麻辣新鲜鸡红冰豆腐，佢入边有好多好新鲜嘅鸡血同埋超级爽口嘅豆腐🥳而且呢个麻辣汤底真系好值得钟意食辣嘅人去试一试。我哋另外仲加点左几样嘢，分别系新鲜鹅肠、新鲜鸡子同埋新鲜鸡红🥳牛肉方面都感到非常之新鲜，碌咗十几20秒就啱啱好。个餐点仲包埋好多打边炉必点嘅小食，包括有各色各样嘅丸同埋有好多唔同嘅饺子类，每样都可以好完美咁吸收到个汤底又带出到自己嘅鲜味。