Espuma (QRE Plaza) (已結業)

有日女朋友问我依间餐厅好唔好食， 在无数错误中成长的我，立即明白要订位。心谂其实食乜都冇所谓, 最紧要食得开心, 但最终有意外惊喜。我哋两个人点咗 - 辣味蟹肉挞 , 秘制招牌香脆咸猪手,  蟹肉明太子卡邦拿意粉及流心软芝士麻薯厚松饼。头盘先嚟个辣味蟹肉挞, 挞皮好脆, 啲蟹肉都好鲜甜, 劲多蟹肉, 加埋佢个辣味酱味道好夹。之后嚟咗只德国咸猪手, 猪手外面个皮好脆, 里面个肉又好嫩同多汁,  除咗猪手之外, 仲有啲酸菜丝, 啲酸菜丝带啲清新口感, 令到猪手嘅油腻感都冇咁重。蟹肉明太子卡邦尼意粉,  啲意粉煮得啱啱好, 啲明太子酱就好香好浓味, 啲蟹肉好鲜甜。见到隔离枱点咗个麻糬厚松饼, 之后问侍应想要同一款, 点知侍应话制作时间需要半个钟, 好彩刚刚上主菜, 有充分时间可以等, 点知有意外惊喜, 啲麻糬厚松饼好松软, 加上啲流心软芝士, 口感真系好好, 真系一口咬落去, 啲芝士就流出嚟, 啲麻糬口感啱啱好, 唔会太黏,  唔错。顺带一提，在枱角过有个RQ code, 顺便问侍应依个系乜嘢, 回覆话如果用电话或whatsapp订枱会有额外优惠, 下一次一定要试下先。