東寶小館 (已搬遷) 新店位置

北角街市久闻其大名的东宝小馆，今晚终于一试，味道确系唔错，但二人食用菜式选择不多，样样大份三五成群聚餐来食比较合适。南乳炸猪手 $158猪手无咩肉以食皮为主，有10件多见到好惊讶，因为我地只有二人食，餐牌无写感觉中伏，每人至少食5件，今次真系食到我地惊惊。上菜时猪手热辣辣好烫手，猪皮炸得唔脆，唔多油比较干身，猪皮唔太硬烟靱口感，味道还可以，有南乳酱汁可蘸，酱汁沟稀左味道唔太咸，蘸下食无咁腻，食一件起两件止三件就好腻，再多食会无晒胃口。云耳粉丝杂菜煲 $118大大煲份量十足，唔驶叫饭食完成煲都饱，汤底清清地味道唔错，云耳、西兰花、虾米、草菇等材料丰富，健康菜式好选择。炸墨鱼胶鹌鹑皮蛋仔 $76要order两粒起，差唔多要四十蚊粒，觉得有点贵，好奇一试的确好味，墨鱼胶弹牙内有皮蛋仔双重口感，蘸上蜜糖姜蓉清甜好味几特别。