心粥館 (已搬遷) 新店位置

新开张，一定要试一试。一行三人就来食晚饭，三位都是细食之人，见佢有个二人餐就岩晒。其实二人餐都唔少野，有一大煲粥、一个饭和一个𩠌，仲有两杯饮品，两个人点食得晒呀?!我们要了皮蛋蚝豉廋肉粥、茄汁肉排竹筒饭和白灼鲮鱼球。好大煲粥，算足料，粥底都可以，话晒佢地系叫卖粥既专门店，个粥一定有番ｄ保证。竹筒饭份量都好足，唔好睇少佢细细个竹筒，d饭"质"到实一实，其实都好多。酸酸地亦几开胃，不过肉排唔得松化。白灼鲮鱼球有八粒，不过有骨我就唔太钟意。$88二人餐可以食饱三个人，收货啦！