Say Cheese (將軍澳中心) (已結業)

呢间餐厅设计几靓，装潢令人好舒服，环境好好坐。晚餐叫咗个二人餐，有主菜（鸡/牛/鱼）、饭/面、餐包、甜品同饮品。首先系蒜蓉包，好香蒜蓉味、好脆，不过好细个，两啖食完。是日餐汤个汤比较特别，系用紫薯整，甜甜地，第一次饮。个人嚟讲不好紫薯所以觉得麻麻。本身餐牌冇指明咩汤，所以冇得拣。Main就叫咗牛排，都算比较大块，下面用西兰花、红萝卜同薯仔放底，味道好raw。块排叫咗五成熟，但佢比五成更熟，煎得唔平均，有一半以上都系全熟咁济，肉质咬落好韧，略有牛味。个汁都ok，冇乜特别。个饭份量好少，我谂得半碗到，以二人餐嚟讲好唔够。啲饭粒偏大粒同硬，好重奶油味，重得嚟好溜，个鹅肝好食，入口即溶同好香。饮品系水果茶，同平时饮嘅好唔同，充满水果嘅酸涩味，我就钟意偏甜嘅。😅甜品拣咗雪糕，系movenpick嘅曲奇味。同汤一样，冇得拣味道。呢个套餐$388，性价比好低，两个人食咗四百几蚊都唔饱，又唔系特别好食。