丼吉日式吉列豬排專門店 (世貿中心)

营业中

休息中

话说去左铜锣湾行街，心思思想食炸物，行过见到附近有一间日本餐厅，见餐牌食物几吸引，就拣左呢间餐厅食晚餐，我地最后拣左二人前定食(吉列猪扒、猪柳、大虾)，相当丰富。-吉列猪扒、猪柳、大虾二人前定食呢个二人前定食十分丰富，猪扒一大块，猪柳就比较细块，但都有2块，而大虾方面体积好大只，应该有手掌咁长，数量就有2只，配菜就放左炸物下面，唔够食的话可以免费添加，至于饭都可以免费添加，另外仲有2碗面豉汤，仲有饭后甜品，甜品系西瓜🍉。-整体来讲，呢个二人餐相当满足，食到好饱，猪扒脆，肉质嫩，如果猪扒同猪柳比较，我比较中意食猪扒，因为感觉上猪扒比较嫩，猪柳就比较无咁嫩滑，大虾方面，啖啖虾肉，唔会炸得过老，所以食物方面比较高质量。