影片
更多
2009-08-07
33 浏览
大概八点钟到去到，都唔系太多人，净系见到入面有一大班细路好嘈，原来系度搞birthday party，哈哈，真系几特别，成晚我就系睇住d小朋友系度跑黎跑去。坐低其实都有dd肚饿啦，睇左一阵，跟住就决定叫个2人餐啦，因为好似咩都有得食，而d野食亦都算系啱我地口味想食既。佢好细心架，帮我地分好哂两份，即系唔驶我地自己分，实在系非常之好，而且每一道菜既时间都系配合返，一食完头盘个汤就即刻黎，时间刚刚好。头盘有三样野架，分别系两串沙嗲串，迷你海南鸡饭 (呢个super cute!)，同埋一个炸虾球既物体。佢个mini海南鸡饭真系好得意，系揾只羹装住架咋，但好好味呀，个鸡好滑，一啖油饭再有少少酱汁系入面，哈哈，不过真系好mini，食完有d意犹未尽既感觉。跟住个沙嗲串都几好味，一d都唔辣，啱哂我，不过d肉既肉质好似麻麻地，有D UN既感觉，系咪过左龙?最后就系炸虾球，哈，我唔记得佢个名系咩，但佢好惹味，因为个酱汁酸酸辣辣咁，我食落去佢出哂烟架，几香口呀。食完头盘就有汤啦，佢有3款拣，我地就拣左肉骨茶，佢又系装好哂一碗俾我地，仲有油炸鬼添，不过D油炸鬼麻麻地好食，哈哈。但个肉骨茶真系好正，超浓药材味
坐低其实都有dd肚饿啦，睇左一阵，跟住就决定叫个2人餐啦，因为好似咩都有得食，而d野食亦都算系啱我地口味想食既。
佢好细心架，帮我地分好哂两份，即系唔驶我地自己分，实在系非常之好，而且每一道菜既时间都系配合返，一食完头盘个汤就即刻黎，时间刚刚好。
头盘有三样野架，分别系两串沙嗲串，迷你海南鸡饭 (呢个super cute!)，同埋一个炸虾球既物体。佢个mini海南鸡饭真系好得意，系揾只羹装住架咋，但好好味呀，个鸡好滑，一啖油饭再有少少酱汁系入面，哈哈，不过真系好mini，食完有d意犹未尽既感觉。跟住个沙嗲串都几好味，一d都唔辣，啱哂我，不过d肉既肉质好似麻麻地，有D UN既感觉，系咪过左龙?最后就系炸虾球，哈，我唔记得佢个名系咩，但佢好惹味，因为个酱汁酸酸辣辣咁，我食落去佢出哂烟架，几香口呀。
食完头盘就有汤啦，佢有3款拣，我地就拣左肉骨茶，佢又系装好哂一碗俾我地，仲有油炸鬼添，不过D油炸鬼麻麻地好食，哈哈。但个肉骨茶真系好正，超浓药材味，一D都唔会过咸，饮完个人都觉得好热，果然行气活血，佢有一两旧骨，都几淋几入味，I luf this!
之后就系主菜啦，今次就无分啦，要你自己夹，有羊扒，炒萝卜糕加埋xx炒虾伴油酥饼。个人觉得炒萝卜糕最好味，因为佢有少少辣辣地，同埋好香，会令你好想食落去，我见佢仲有唔同既料如鸡蛋，虾仁等等，真系好味架! 个羊扒就都ok既，肉质刚好，生熟程度亦刚好，不过如果个味道再浓返少少就好，而家好似淡左少少。最后就系个虾伴酥饼，哈哈，对于我呢d最懒剥壳既人真系觉得几烦架，佢开左少少，净返个d要自己剥，不过个虾都ok，仲食到有膏添，不过辣左少少，无咁辣就好啦。个酥饼应该系俾我地掂个d汁，不过我觉得就咁食仲好味，个汁同个酥饼唔太夹，就咁食好好味，好香，我最钟意食呢d酥饼架啦。
食到呢度其实我已经好饱，佢仲有两个甜品，不过我觉得个甜品无咁好食，我都唔记得佢咩名，净系记得一个好似系西米布甸，另一个系金莎朱古力蛋糕，2个都一般，西米个质感好怪，而且太甜，金莎朱古力蛋糕我见到都觉得饱，非常之漏......而且佢个朱古力麻麻地好味，所以我就觉得一般啦。
仲有野饮，我叫左杯珍多冰，劲重椰汁味，但如果再甜dd会好d。
佢既服务一般，可能因为有bday party，佢地都唔得闲理我地，有时系揾唔到人的。而且有位姐姐好似无咩礼貌，叫佢俾野系掉俾我地的，望都唔望下我地，咁样唔系好啱㖞。
我都唔系好清楚几多钱，因为我望唔到张单，真系唔好意思，但我谂应该唔平，大概$200一个人到啦。
因为佢系set，所以无得用openrice优惠卷。
张贴