鈴木珈啡館 (已結業)

星期五嘅晚上8时，同老细响铜锣湾揾嘢食，呢间唔使等位，贪方便就入咗去。又贪方便，叫二人餐洋葱汤 - 太咸，好难饮，记忆中饮过最差嘅洋葱汤，每人都系饮咗两啖；三文鱼沙律 - 半生熟三文鱼还可以，沙律汁不俗，全餐至入得口嘅就系呢个唔使点煮嘅沙律；炸鸡 - 唔可以话难食，不过就远远比唔上老麦；三文鱼菠菜汁墨汁意粉 - 味道不俗，墨汁意粉咬口尚可，不过碎湿湿，不合格；芒果咖哩软壳蟹饭 - 全餐嘅经典，上台嘅系芒果咖哩软壳蟹饭走咖哩加芝士，芒果汁系芒果糖味，芒果粒系冻嘅，芝士无芝士味，珍珠米超硬，好似生生地，祗有炸软壳蟹可以入口；餐茶两杯咖啡，两大杯意大利咖啡 + 两小杯steamed milk，未饮就知超难饮，入口就得一个苦字，完全唔觉有咖啡香味，一间自称cafe冲啲咁嘢出嚟俾客，比港式难饮茶记咖啡更不如，其实呢间嘢嘅management有冇饮过佢哋自己嘅咖啡o家？呢一餐，盛惠二佰伍拾个大洋，剩咗大半嘅食物，贪方便嘅结果，就系食到shit shit 声，踩咗今年最大嘅一笃屎。