桔梗 (已結業)

今日叫咗个双人日式套餐。凉拌毛豆+渍物3款先嚟前菜，毛豆有惊喜，平时个啲净洒盐，佢就用咗蒜蓉调味，配埋酸酸地嘅渍物，非常开胃。炙烤鲔鱼佐芥末蛋黄酱只系炙烤外皮形成焦香，而入面就保持刺身嘅鲜嫩，再加埋芥末蛋黄酱，将日式风味提升一个层次。炸鸡配台式五味酱热辣辣嘅炸鸡，炸皮够香脆，入面嘅鸡肉都唔会炸到鞋晒，依然鲜嫩有肉汁。热炒鱿鱼拌明太子酱明太子酱同鱿鱼好夹，如果有鱿鱼须的部位会更好京葱柠檬味猪腩附送埋蜜糖浆，半肥瘦嘅猪腩肉加咗柠檬嘅酸同蜜糖嘅甜，食落无咁油腻。茶渍饭（明太子、鲑鱼）一碗明太子，一碗鲑鱼肉，用清淡嘅茶渍饭送上面几款小菜，可以消滞，不错嘅平衡。伯爵茶芝士蛋糕侍应哥哥千叮万嘱叫我哋留肚食个甜品，果然无令我哋失望！二人餐来讲份量好足，食得好饱！建议小菜提供多几款选择比客人拣。