炑八韓烤 (瓊華中心)

营业中

休息中

约个朋友食饭、佢成日都话想食韩烧。于是乎我今次就约埋佢去旺角嘅炑八韩烤，食依个热灸月见和牛肩肉扒套餐。套餐相当之丰富，有月见和牛肩肉扒、韩牛前胸肉、霜降牛小排、韩国鳗鱼、牛舌、蜜柑牛五花、墨鱼。惠顾晚市套餐仲有一客芝士熔岩泡菜紫菜包饭送添。套餐仲附有前菜同沙律。沙律、芝士同泡菜蛋浆仲系免费无限添加添吖。芝士熔岩泡菜紫菜包饭，芝士满满咁融化哂喺泡菜紫菜包饭表面。一夹起就可以做到拉丝效果。芝士够多，够哂邪恶。整个热灸月见和牛肩肉扒套餐都相当之好味。每款配料都相当鲜味。月见和牛肩肉扒、韩牛前胸肉、霜降牛小排最紧要系唔好烧得过熟、每边大约三十秒，就刚刚好喇。套餐当中嘅蜜柑牛五花，烧好后甜甜蜜柑味之余，仲带住阵阵牛香，而且一啲都唔韧。韩国鳗鱼亦相当出色，烧好后一啲都唔干身、真系食到鲜嫩多汁嫁。斋食唔饮嘢又好难过，所以我同朋友都点咗一杯完熟白桃沙冰。加$48就有咁大杯沙冰，而且仲有半个完熟白桃，真系超正啰。