影片
更多
2017-10-29
990 浏览
第一次写食评~ 因为想同大家分享美好一天昨天重阳正日入南丫岛行山，人山人海2pm落山见间间餐厅都爆满，无晒海景枱，唯独桃园唔算太多人。我哋再格吓其他餐厅2人餐价钱，有两间$498，一间有经济餐好似$388，每间都要俾茶钱加一，我哋见一间茶钱都要$16蚊位桃园2人餐$298 免加一 免茶 每人送一罐饮品因为最平佢但顾客唔多，我同朋友都惊大伏㗎。但我哋都唔想食咁贵，又见佢门口有游水海鲜，所以就搏一搏啦1.胡椒虾有4只大虾，虾肉鲜甜爽口，蒜香胡椒好惹味! 好彩听老板话无转白灼虾2.椒盐鲜鱿鲜鱿好好味，薄粉炸唔多油，鲜鱿又系鲜甜爽口，而且几大碟。椒盐味刚刚好，唔会盖过海鲜味3.粉丝蒸珍宝蚌一人一只掌心咁大只嘅蚌，蒜头豆豉蒸，粉丝索满汁好正！4，5 炒菜心，炒饭正常水准埋单就系$298我哋唔系想食龙虾鲍鱼，只系想食餐新鲜好味嘅海鲜餐。初初见第一道菜得4只虾都觉得份量少，但食晒个餐又真系够饱㖞，行完山落嚟坚肚饿㗎，同埋我哋一向大食一人$150仲有海景，真系无得弹㖞。我唔明点解咁少客。。。老板森美见我哋拎住金卷胶袋，再推介两样我哋无买嘅好嘢，就系辣豆豉同甜酸菜，平价+好味！金卷老板娘仲以为我哋唔记得
昨天重阳正日入南丫岛行山，人山人海
2pm落山见间间餐厅都爆满，无晒海景枱，唯独桃园唔算太多人。我哋再格吓其他餐厅2人餐价钱，有两间$498，一间有经济餐好似$388，每间都要俾茶钱加一，我哋见一间茶钱都要$16蚊位
桃园2人餐$298 免加一 免茶 每人送一罐饮品
因为最平佢但顾客唔多，我同朋友都惊大伏㗎。但我哋都唔想食咁贵，又见佢门口有游水海鲜，所以就搏一搏啦
1.胡椒虾
有4只大虾，虾肉鲜甜爽口，蒜香胡椒好惹味! 好彩听老板话无转白灼虾
2.椒盐鲜鱿
鲜鱿好好味，薄粉炸唔多油，鲜鱿又系鲜甜爽口，而且几大碟。椒盐味刚刚好，唔会盖过海鲜味
3.粉丝蒸珍宝蚌
一人一只掌心咁大只嘅蚌，蒜头豆豉蒸，粉丝索满汁好正！
4，5 炒菜心，炒饭
正常水准
埋单就系$298
我哋唔系想食龙虾鲍鱼，只系想食餐新鲜好味嘅海鲜餐。
初初见第一道菜得4只虾都觉得份量少，但食晒个餐又真系够饱㖞，行完山落嚟坚肚饿㗎，同埋我哋一向大食
一人$150仲有海景，真系无得弹㖞。我唔明点解咁少客。。。
老板森美见我哋拎住金卷胶袋，再推介两样我哋无买嘅好嘢，就系辣豆豉同甜酸菜，平价+好味！
金卷老板娘仲以为我哋唔记得攞2盒豆豉，追到出码头揾我哋，即系跑咗成条街
昨天南丫岛之行，有美景，美食，仲有满满人情味
张贴
