惠 (已結業)

食到一间高质又满足嘅厨师发板，真系有咩烦恼都可以暂时放低！呢间惠亦都系我同朋友再回头嘅舖头之一～呢到由第一款前菜开始已经表现到佢地嘅心机！竟然将海参放入酸甜嘅啫喱入面，配上莼菜嘅清爽，系一个清新嘅开头～喺云云咁多款寿司之中白虾同喜知次真系令我哗咗出声，无谂过白虾可以咁鲜甜软滑 喜知次加柚子胡椒亦系好有日式风格！刺身方面，师傅好擅长用唔同嘅酸味去提升海产嘅特色～例如系日本马友配橘子啫喱同沙蝶鱼配酸汁，两碟菜式都系以酸带出甜，但各有各特色。师傅都有好好讲解佢都试咗好次先出到呢个组合，欣赏欣赏！