陳儀興玫瑰餐廳

营业中

休息中

✨️冇加一✨️冇计茶位及酱料费✨️可以预先订位✨️仲有免开瓶 能够集合晒以上四样嘢嘅火锅店，喺香港现今已经好难揾，仲要有人情味嘅service、食物质素又唔错， 难怪平日座无虚席！ 💁🏻‍♀️消暑冬瓜盅锅有鲍鱼、花胶及海参，汤头用鸡件淆制，滚起嘅时候先食鸡件，鸡肉嫩滑！之后再食埋鲍鱼花胶海参，滋阴养颜呀！ 夏天食下冬瓜烧下暑，可以同火锅嘅热气打和番😆 呢度加汤系真•加汤，唔系加热水㗎😂 💁‍♂️火锅配料都有好多唔同嘅选择，我哋今次就冇叫牛（ 见到隔离枱碟牛好靓呀，下次要试下），大推手打梅菜猪肉丸、 即包韭菜饺拼芫茜粟米饺，两款都食得出系自家炮制嘅用心作品！ 皇帝菜用上皇帝菜苗，特别清甜冇渣～ 脆鲩骨腩肉质爽脆新鲜，赞！