和順記 (電氣道)

营业中

休息中

开头和顺记喺天后开分店𠮶阵，帮衬过一次已经俾佢嘅神级炸脾深深吸引。𠮶次食炸脾感觉良好，因为第一次食到炸脾系外脆内嫩兼爆汁，算系我暂时食过最好食嘅炸脾。今次再度帮衬，当然炸脾鸡蛋饭必定叫，再新试多一个芥末牛柳黑松露蛋饭。前者个炸脾炸过咗火，因为整体无乜肉汁，无咁嫩滑，个脆皮就依然keep到。后者系意外地好食，个牛柳好嫩，配埋芥末汁又几惹味。而黑松露蛋又真系食到有黑松露味，因为好多时喺出面食都未必食到有味。PS. 差唔多食饱嘅时候，餐厅负责人问我哋啲食物质素时，我哋都有表达炸脾炸得太过嘅问题，负责人即时叫厨房再炸过一只俾我哋试味。本身真系饱到上心口，负责人嘅热情款待只好接受。今次呢只就真系食返第一次嘅感觉，又爆汁又外脆内嫩，大满足。好想俾返个credit 呢间餐厅，因为呢个跟进action你会睇得出佢哋系有心想提供最好嘅食物俾食客，所以会再继续帮衬。