漁釧 (V Walk)

营业中

休息中

第2次食V Walk呢间渔钏，上次试过lunch，觉得性价比几高，所以今次试埋晚餐。夜晚6点开始有个匠人料理一人前，个set好丰富，我同朋友两个人叫呢个set再加两个小食就够饱。匠人料理一人前⭐烧鳕鱼片、吞拿鱼蓉米通、枝豆烧鳕鱼片类似食开嘅鱿鱼丝，几鲜甜。吞拿鱼蓉新鲜，放上米通上面一齐食几特别。⭐刺身（三文鱼、伊佐木、赤海虾）刺身新鲜，每一啖都好有鲜味，而每款都有两片。⭐寿司（油甘鱼赤醋寿司、松叶蟹肉赤醋寿司、伊佐木赤醋寿司）寿司几精致，油甘鱼、松叶蟹肉同伊佐木各具特色，赤醋令寿司饭同鱼生好夹。⭐天妇罗沙锤鱼呢个天妇罗沙锤鱼够特别，炸得好脆，入面鱼肉仲好鲜嫩。另外仲有南瓜同茄子天妇罗。⭐海胆蛋白蒸呢个系蒸蛋白，所以冇平时食开嘅茶碗蒸咁滑，不过海胆几甜，冇怪味。⭐烧安格斯牛配烧饭团安格斯牛肉口感好正，牛味浓郁，肉嫩多汁。饭团烧到啱啱好，令外面金黄色，食落仲辣辣地，几过瘾。⭐日式雪糕上枱先知系红豆宇治抹茶雪糕配小丸子，啱哂我心水，小丸子仲好软糯，好味！⭐日本苹果梳打呢个set除咗苹果梳打，仲可以拣獭祭（150ml)，适合钟意饮日本酒嘅人。小食⭐陶板清酒煮蚬职员喺我哋面前煮蚬，见住啲蚬开，所