山本屋 (圍方)

营业中

休息中

与友闲逛围方，经过山本屋，平时墟冚嘅场面变得冷清，只系见得几个人排队…… 谂住冇走鸡，机会难逢，梗系要入内试吓菜啦！首次光顾嘅我哋，点咗四样嘢，包括：黑豚肉煮乌冬配黄金鲣鱼清汤、美国安格斯牛肉煮乌冬配老店传统味噌汤、冷豆腐，以及虾天妇罗。柯打上碟速度算快，小食冇乜大惊喜；咬咗一啖虾天妇罗之后，我俩满头黑人问号外，并即从心底打咗个突兼皱眉头，因为用料明显唔新鲜，致直接影响咗菜式嘅味道。更甚嘅系，乌冬个芯完全唔熟，硬如石头，哽到个胃嗌救命(幸好肺冇被塞住)，两兜嘢最后都食剩大半，劲嘥！埋单𠮶阵，我坦然表达对此店有啲失望。讲真，呢个商场除咗雪糕之外，都冇乜咩值得推荐。