華苑酒家 (已結業)

今日去元朗接细佬收工、食饭，见呢间酒家嘅打边炉任食咁平，仲要系2小时任食，抱住一试无妨嘅心态，直奔2楼边炉区。原来任食价钱已经包埋汤底，我地叫咗椰子鸡汤底，滚起嚟都好香。鸡同汤系分开上，汤滚起先至落鸡。8位以上有1只鸡，8位以下有半只，所以对我地两个人嚟讲，半只鸡都几多。饮品同部份火锅配料系自助式，而点菜纸上嘅火锅配料唔算多款，但我地都食唔晒佢嘅款式。最好味嘅系手打鲜虾丸、手打墨鱼丸，弹牙又鲜味。其次系手工菜肉云吞，店员说是自家制作，所以食晒就冇，咁云吞嘅菜又真系食得出嘅新鲜。粟米、南瓜都好甜，芋头都好粉。自助区仲有出前一丁同埋乌冬，都系原包装嘅，方便自取。两个人埋单都系二百几蚊，食到好饱呢。