極尚大喜屋 (銅鑼灣廣場一期)

营业中

休息中

今日又去咗食超抵食嘅日式放题。每位只需二百几蚊，但系食物高质 ，CP值超高，二百几蚊就可以食到咁多款高质嘅日式料理，真系抵到喊！我成日会lunch过嚟食，感觉上lunch食咗冇咁易肥．首先，不得不提佢哋嘅刺身！肥美嘅三文鱼、油甘鱼、吞拿鱼，每一样都鲜甜爽口，完全唔似系放题嘅水准！仲有海胆同鱼子，鲜味十足，简直系人间美味！除咗刺身，佢哋嘅熟食选择都非常丰富！烧物方面，有香喷喷嘅鳗鱼、烤鸡串同牛舌，每一串都烧得恰到好处，外脆内嫩！热食方面，有鲍鱼、猪脚、以及多款特色小食，例如芝士焗鱼柳、蟹肉多士等等，每一样都做得非常精致。甜品方面，选择超多蛋糕雪糕生果，雪糕仲有Häagen-Dazs。质素都唔错，有榴梿、芒果布甸等等，我今次自己一个就食咗三嚿榴梿。