牛扒先生 (東港城) (已結業)

今日约左已移民所以一年先见一次既旧同学食晚饭。由于大家都咁超大食既关系，所以我地拣左黎呢间新开既牛扒先生食饭，贪佢有二百蚊有找可以食到main course、餐饮加任食自助头盘甜品。先黎饮左个汤暖下个胃应该系南瓜忌廉汤，我加左d面包粒同粟米，口感即刻提升。然后食左d cold cut同沙律以呢个价钱，款式都吾少有十几款沙律同cold cut。食左两转，main course终于上枱。我拣左脆炸软壳蟹野菌意大利饭，软壳蟹唔会有油膱味，个饭淡左少少，野菌份量吾多。KO完Main course当然要食甜品。款式有十几款，味道还可以啫喱糖吾够味又太硬(应该落得太多鱼胶粉)，豆腐花够滑。餐饮系水果茶，几好饮，最衰无得refill。是日semi buffet dinner menu如果d自助头盘同甜品可以款款都清楚写明名称同埋放高少少会好d或入少少，因为放得太出又无遮无掩，感觉有点吾卫生。