劉興記生煎包專門店

营业中

休息中

前日放假去左元朗，姑姐话先前爆汁生煎包遗漏左佢未试，就带番佢去元朗补数~当日仲有人黎拍野，好热闹。照旧叫左两个皇牌套餐各$54 豆浆无限添饮~超抵S3 麻酱手撕鸡丝粉皮 + 生煎包1只手撕鸡丝份量十足~麻酱超多~粉皮有咬口大块，青瓜爽脆。S4 鲜鸡汤小云吞12粒 + 生煎包2只一人6粒小云吞，唔好睇佢细细粒馅料丰富。生煎包一如既往皮薄爆汁，我地都系咬开小小，嗦晒D汤汁先慢慢咬开，上次被对面喷到一身都系既经历太深刻。今次豆浆系热既，好贴心。我地各添饮左一次~非常浪郁既豆香，比平时饮既浓稠，真材实料。小食：上海小笼包$40/4只皮唔算厚，夹起唔会即刻穿，但同样好多汁。手工豆沙窝饼$28香脆可口，豆沙馅唔会太甜，唔错。