影片
更多
2023-06-02
2358 浏览
家上海 Modern Shanghai 📍元朗元龙街9号形点 I L1楼1058号舖佛诞假期我陪屋企人去YOHO逛下，行到中午时分就去咗排队食呢间食过一次嘅上海菜。等咗大约半个钟左右，终于安排咗我哋坐喺窗边嘅位置，当日好大太阳，蓝天白云，景观都唔错，好惬意。上一次食系下午茶时段，今次撞正红日无套餐优惠，我哋喺主餐牌拣咗啲嘢食。因为系连锁店，所食物质素一定有保证，但呢度嘅茶叶唔太得，铁观音味淡，无茶香。 💰$80苏式熏鱼 🐟同我食过嘅上海熏鱼唔同，无论鱼肉嘅质感定味道都好唔同。呢种苏式熏鱼外面裹咗一层酸酸甜甜嘅酱汁，非常醒胃。鱼肉无骨而且炸得酥脆，可以好放心咁大啖食。鱼肉滑嫩无腥味，同外层嘅口感形成强烈对比。因为味道好易入口，相信小朋友或唔钟意食鱼嘅人都会较易接受。 💰$54金牌小笼包 🥟小笼包唔算爆多汁，但肉汁香浓，皮亦唔会过粉过厚，味道不过不失，无留下特别嘅印象。 💰$68大排汤面 🍜呢款大排汤面我之前已经食过一次，算系比较抵食嘅面食之一。大排同上次食一样咁厚身脆口，外皮炸得金金黄黄，睇到都食指大动。汤面嘅面质细滑，汤底满满菜香味，清清哋同较油嘅大排一齐食啱啱好！ 💰$88肉丝两面黄
📍元朗元龙街9号形点 I L1楼1058号舖
佛诞假期我陪屋企人去YOHO逛下，行到中午时分就去咗排队食呢间食过一次嘅上海菜。等咗大约半个钟左右，终于安排咗我哋坐喺窗边嘅位置，当日好大太阳，蓝天白云，景观都唔错，好惬意。上一次食系下午茶时段，今次撞正红日无套餐优惠，我哋喺主餐牌拣咗啲嘢食。因为系连锁店，所食物质素一定有保证，但呢度嘅茶叶唔太得，铁观音味淡，无茶香。
[价钱 Price]
💰$80
苏式熏鱼 🐟
同我食过嘅上海熏鱼唔同，无论鱼肉嘅质感定味道都好唔同。呢种苏式熏鱼外面裹咗一层酸酸甜甜嘅酱汁，非常醒胃。鱼肉无骨而且炸得酥脆，可以好放心咁大啖食。鱼肉滑嫩无腥味，同外层嘅口感形成强烈对比。因为味道好易入口，相信小朋友或唔钟意食鱼嘅人都会较易接受。
[价钱 Price]
💰$54
金牌小笼包 🥟
小笼包唔算爆多汁，但肉汁香浓，皮亦唔会过粉过厚，味道不过不失，无留下特别嘅印象。
[价钱 Price]
💰$68
大排汤面 🍜
呢款大排汤面我之前已经食过一次，算系比较抵食嘅面食之一。大排同上次食一样咁厚身脆口，外皮炸得金金黄黄，睇到都食指大动。汤面嘅面质细滑，汤底满满菜香味，清清哋同较油嘅大排一齐食啱啱好！
[价钱 Price]
💰$88
肉丝两面黄 🍝
老爸指名要叫呢碟肉丝两面黄，佢话等位时见到炒得好靓㖞。卖相同一般嘅肉丝炒面无咩分别，同我心目中嘅两面黄有少少出入。不过，佢嘅味道的确唔错，整体唔会过咸，肉丝芽菜等配料亦好足，够送晒啲面有突。我自己几钟意食肉丝面嘅面，因为可以一次过满足到我呢啲贪心嘅人，钟意食湿嘅面又得，钟意食干嘅面亦得，得咗！
[价钱 Price]
💰$198
蟹粉炒虾仁 🦀🦐
再嚟嘅呢个系老爸擅自叫嘅蟹粉炒虾仁，以午市小菜嚟讲单价比较贵，但相对质素都较高。剥晒壳嘅虾仁每粒都沾上浓香嘅蟹粉，除咗食到虾仁嘅鲜味同爽口，亦食到蟹粉嘅甘香。不过我略厌佢嘅蟹油太多，如果干身啲就会更加分。
张贴
