段純貞牛肉麵 (如心廣場一期)

营业中

休息中

经过荃湾，突然好想食台湾嘢，醒起有呢间段纯贞牛肉面，就又嚟食个晏啦。1点7去到门口，都仲系一堆人排紧，问返职员先知道，原来要系跟规定坐得一半位，变左有枱都唔放得人，咁无计唯有等一阵啦。好彩都算快，等左十几分钟就入得，唔想等太耐下次真系要早D嚟。排紧队𠮶时，已经见到门口𠮶Menu有D变化，精简左少少，变成主食只有卖面类，上次见到唯一既炒饭冇左(本身想点嚟试下)今次就想嗌D热门以外既，一开始点拌面，结果话要过两日先有，红烧汤底上次又试左，咁就叫另一个推介既炖浓汤鸡面。问左员工呢个配细面好，就跟佢嚟嗌，点知最大惊喜系到嘢食好快上枱，都有跟一小碟酸菜开胃，先试汤底，相当鲜甜既鸡汤，亦都做得好清，面底挂汤效果几好，结果食埋我连汤都饮晒。一碗会跟一件鸡件同一只鸡脾，都煮得几嫩，不过比起牛肉面既肉量就少DD。台湾菜紧系要嗌返𠮶常见小食，盐酥鸡啦。份量唔嘢少，有8大块，炸得外脆内软，够Juicy，调味都够正宗。饮品就叫左金橘蜂蜜绿茶上枱就一壶跟只杯咁上，一壶可以斟到两杯，茶味啱啱好，唔会太涩，金橘味都好出，反而系蜂蜜味淡左D。