Delicious (已結業)

近年喺华都都开左唔少食店，食物类型唔再局限于小食，其中呢间热狗店我都经常帮衬。早前喺网上见到小店因为租约期满，黎紧24号就结业喇，同朋友大叹可惜，我地都觉得喺屯门黎讲算质素相当唔错嘅热狗店。未知老板会否喺其他地方再开店呢？热狗即时制作，有多款味道可选，特别喜欢佢地嘅自家制酱汁，柚子蜜糖芥茉、他他酱、蒜蓉酱、wasabi酱。另有小食，相对食过其他热狗店，价钱合理。以往有套餐供应，热狗配薯角、汽水大概四、五十蚊。不过近几次经过都唔觉有，可能临近结业，冇套餐都唔定。热溶芝士够大方，芝味够浓，唔会食落冇料到热狗肠足足8吋长，今次拣左鸡肉肠，就冇上次嘅辣肉肠咁惹味。薯角都系现炸，好难唔好食。唯一挑剔系佢地系外卖店，冇位食，我次次都系拎落楼下吃。结业前唔知有冇机会去食多次呢。