Glasshouse (形點 I)

营业中

休息中

每次嚟yoho睇戏都会留意到戏院对面角落呢片小绿洲，一直以为属于轻食西餐cafe。翻阅餐牌先知原来系fusion菜每道菜式都融合不同国家风格，韩式酱料加围边蛋炒意粉、虾米鸡蛋仔、龙虾汤河⋯⋯配搭新奇又意想不到。餐厅空间比想像中大得多，深入餐厅里头更阔络，水吧厨房为开放式设计，可以清晰睇到食物制作过程。生菜包通常都配以绞肉碎，包炸饺子真系第一次。饺子炸得金黄香脆，以新鲜湿润嘅生菜包覆，再蘸上酸酸甜甜嘅烧肉汁，呈现出外爽中脆内嫩嘅三重口感，呢个配搭令人惊喜烧春鸡份量十足，大大只，皮薄肉嫩，不带多余脂肪，精简地洒上姜黄烧熟，更能展现新鲜食材嘅原汁原味。烧热嘅铁板遇上充满鸡味嘅浓郁鸡汤，奏出美妙嘅滋滋声，垫底嘅薯仔、洋葱、姜汁遇热生香，视听嗅三种感官同时刺激令人食指大动。正宗鸡有鸡味，咬落啖啖肉，满足感十足。Pizza比想像中更大个，直径12吋size，幸好系脆边薄底，两人share都唔会过于饱滞。未食已闻到阵阵松露香，反而咸蛋味不算突出。因选用薄底，入口无粉感较轻盈，又能食到椰菜花薄片嘅爽脆同咸蛋独特嘅沙沙口感，简单但又层次分明，难怪店员极力推荐pizza类。