雲南人家風味餐廳 (已結業)

原来豆腐花同捞米线一齐食系咁夹㗎！呢间云南小店似系家庭式经营，墙上贴有唔少报道介绍呢度嘅特色食物。我叫咗德胜豆花米线小辣，加麻辣羊肉。豆腐花充满豆香，而且好滑溜，夹埋滑脱脱嘅米线一齐食，滑上加滑。羊肉、肉碎末同酸菜充满辣劲，见到用左唔少辣油，食啲豆腐花可以有助解辣。木瓜冰好似食紧蒟蒻啫喱咁，好味好特别。外卖米线嘅份量同堂食嘅差不多，加咗娃娃菜同猪润，令到米线整体冇咁辣。另外我叫咗个小食:手拍青瓜，走辣。厨师落咗好多蒜头粒粒，可以落啲去米线度一齐食，又系另一个风味，青瓜清新爽脆，一解米线嘅热劲。