雲桂香米線專門店

营业中

休息中

今日难得出到沙田，真系好多野食可以选择，不过一个人想食平平地，最好的选择都系米线。除左谭仔之外都想食下其他口味的米线，所以来左好耐冇食的云桂香。6点几左右的时间唔算多人，马上就可以入坐，而且食米线的好处系可以好快整好有得食。猪软骨云吞米线 (小小小辣) - 先讲汤底，其实餐牌都有写小辣会少D猪肉碎，而小小小辣真系得好少好少猪肉碎，整体来讲系冇咩辣的味道，而个汤底都冇以前咁好味。猪软骨分量唔多，而且肉质过腍且散烂，失去了猪软骨原有的脆脆口感 。云吞得两粒，而且皮都几厚下，味道普通。而且食的过程中系咁有D小形飞行物体飞来飞去，影响到要成日拨走佢，真系令我对云桂香扣左不少分数。整体而言，食物质素唔可以讲得上好食，而且分量仲少左，估唔到云桂香的质素系咁多米线店的竞争下都可以下跌咁多，真系好可惜。