雲龍軒

营业中

休息中

因为入住迪士尼探索家度假酒店，佢个plan包左2位成人自助早晨，所以就系果度食自助早晨。先唔讲食物，但就佢嘅自助餐限时一小时，我就觉得好唔满意，佢个价钱都唔平，酒店包2位成人，小朋友就要另付，连埋加一，小朋友都一位都要HK$350,又鬼死咁多人，一d受欢迎嘅食物排队拎食物都无左2，3个字，仲要限一个钟，真系好唔低。跟住讲下环境，都干净企理，但就迫左少少，如果计五星级酒店餐厅黎讲就真系迫左d。食物方面，都好多种类，比一般酒店早餐算唔错。味道不过失，但d烟肉，炸野就有d炸过笼，d蒸点心都唔错，不过虾饺皮就厚左少少，味道唔错。最值得推介就系个师父即煮嘅粉面，牛腩正。另外即煎个奄列都好味，加左芝士，食果阵都有拉丝D水果都新鲜。另外食自助可凭入座卡可与迪士尼人物合照一次，相信最可心就系小朋友。不过唔知系米会转人物，我果日就系高飞。