火水爐花膠館

营业中

休息中

一开头入嚟都系俾个环境吸引咗，见到入面有好多灯牌，好靓！而且墙上面中贴咗一啲好旧好旧嘅报纸，而且餐厅望到大马路，啲阳光照入嚟真系几舒服。讲返嘢食，嗌咗个三𩠌车仔面，分别有鸡翼，沙嗲牛肉，同埋牛柏叶，碗面会附送花胶。因为冇得拣两个汁，所以就拣咗小辣麻辣汁。嘢饮嗌咗冬瓜茶，本身见佢有得拣少甜少冰𠮶啲，以为系自己煲嘅冬瓜茶，提提大家！系罐装嘅。我觉得个汤就麻麻哋，因为好似话个辣汁系秘制辣汁，我觉得就普通麻辣咁，汤底都冇乜特别。我拣咗幼面，正正常常。而𩠌方面我就觉得份量系足够，而且牛柏叶特别弹牙！留意翻！佢个沙嗲牛肉系冻冻地。另外，佢枱上面亦都会有一啲菜脯系免费嘅，几好食，攞嚟捞面食一流👍🏻。而花胶我谂大约有两三块左右，都系预料之内，弹牙得来又带点黏糯嘅感觉😂。整体买单好似$60左右，我觉得以一碗车仔面来讲就唔太抵了，主要都系比个环境吸引咗，我就觉得冇后悔一试，但未必会再去。