金拇指米線 (紅磡廣場) (已結業)

红磡系Lunch hour想揾食有几难...应该系个区返工嘅人仕都好明白架啦皆因呢个工业区太多人返工，加上附近又多民居，有时食饭真系要争崩头之前都已经知道红磡广场有间金拇指，但次次经过都好多人，所以都无机会试今日唔知做咩事无平时咁多人，就快快趣趣同同事去揾位坐咗先啦金拇指都几多选择，有米线有碟头饭有咖哩有焗饭。佢哋系快餐店格局，先买餐后揾位再自取。环境位置都不能要求更多架啦...不过都算干净企理嘅。我就拣咗个煎仓鱼嘅套餐蒸仓鱼嘅就见得多，煎仓鱼就好少见仲要咁平，都系五十蚊有找，有饭有嘢饮煎仓鱼系跟一个豉油汁嘅，佢唔系就咁俾一兜豉油你或者淋上面，而系另外碗仔上。仲要碗豉油系煮过嘅，有辣椒有葱系入面，入口甜甜地个只，同煎鱼都几夹果种师父手势都几好，煎到鱼皮带有少少脆口，鱼肉鲜嫩无雪味本身仓鱼有少骨，食落真系啖啖肉，点埋豉油食送饭真系一流今时今日呢种质素食得饱肚都系五十蚊有找...都算系唔错啦呱...