Thirty First of May (已結業)

今日同男朋友庆祝相识五周年， 忽发奇想去一个又可以赏月又可以共度晚餐嘅地方！ 经朋友介绍荃湾有一间餐厅可以满足我嘅要求。 间餐厅叫做「Thirty First of May」，由荃湾广场步行几分钟就到。餐厅环境不错，好舒服， 就连餐具都好靓。我哋叫咗个M5 和牛肉眼扒二人套餐 $588 ， 有沙律、餐汤、餐包、 意粉同牛扒。 香喷喷嘅《黑松露野菌忌廉汤》出场，黑松露同野菌永远都系最最佳拍档， 味道好夹， 香味十足， 口感丰富，再加上忌廉， 又香又滑， 好饮！ 餐包口感松软， 沾上牛油同餐汤一起食就更加惹心啦！ 《三文鱼牛油果沙律》， 份量算多， 仲有好多块三文鱼，又有牛油果， 沙律菜又新鲜， 再加上特制嘅蜜糖芥末汁， 好好味。 我哋叫咗个《蟹肉露笋扁意粉》， 有足够份量嘅蟹肉， 配上忌廉汁，意粉挂满酱汁， 好惹味， 仲有爽囗芦笋，口感好正！ 主角系《澳洲M5和牛肉眼扒》， 我要五成熟，啱啱好！ 和牛油脂分布平均，入口溶化， 牛味香浓， 肉质嫩滑多汁， 好想 encore ！ 扫上少少牛油， 就更加好味啦！ 仲有薯蓉， 薯蓉又香又滑， 味道适中！ 可以望住个月亮叹茶同共享晚餐，真系超高兴