家嫂 (已結業)

喺旺角分店食过海鲜蒸锅觉得真系几好食，lunch time 经过大埔新开分店决定试埋lunch。嗌咗个B餐(鸡翼，鱼旦，花胶，花菇)配虾汤($48 )。份量真系好多，唔止系米线多，啲𩠌都好多，花胶大大件好似有成3-4件，一啲都唔hea。个汤底有好香嘅虾味，但以唔系重口味。加10蚊仲有嘢饮，有柠檬石榴水，菠萝柚子蜜，桂圆红枣茶，杨枝金露等) 几健康同埋饮得出系真材实料唔系开粉冲。话梅鸭舌($56)有浓郁嘅话梅甘甜味仲有淡淡酒香，而且份量都唔少。清炒莴笋丝($40)嘅莴笋真系切得好幼，炒得入味爽口。海鲜泡饭($68)个样望落去好似好清淡，但个汤系好鲜甜嘅海鲜味，而且海鲜都好新鲜。我觉得家嫂真系有家常小菜嘅感觉，唔会有过多或过浓嘅调味，但就可以食到食材原来嘅味道，咁做都几大胆，万一食材唔新鲜就好容易食得出。重口味人士可能就要自已去调味区加重口味啦。调味区系自助免费嘅，咁就唔惊唔够味啦。