黔滋味 (已結業)

红烧牛腩粉 $60 酸辣肥肠粉 $60呢度采用贵州特色米粉，食落相对软滑，汤底由猪骨同五指毛桃熬制，鲜甜又滋润。呢度嘅𩠌唔同连锁米线铺，有牛腩肥肠呢啲比较特别嘅𩠌，牛腩份量好多够腍又够入味，肥肠都特别软滑，连埋汤酸酸辣辣咁食一流。麻辣鱿鱼 $52小食都好有特色，有坊间少见嘅麻辣鱿鱼，爽口弹呀，鱿鱼筒仲可以装埋麻辣汁一齐食超过瘾。凉拌莴笋 $35薄切莴笋食落好爽脆，食落非常开胃。荔枝沙冰 $18 桂圆红枣茶 $15 荔枝沙冰上菜要即刻饮，因为大杯到满泻，用嚟解辣一流。桂圆红枣亦非常清甜同埋解腻。