Amitie Kitchen (已搬遷) 新店位置

食西餐最开心嘅地方就系可以品尝到西式大厨为我地炮制嘅特色甜品。今日嚟到亚士厘道，揾到超乎想像令人心动的甜品。先叫咗个日本椰子雪芭，真系用新鲜椰子壳盛载住，里便系白色嘅雪糕好有椰子，亦同时有丰富嘅云呢拿味！我同两个朋友争住食，每人你一啖我一啖，好不快乐，话咁快就食晒而且唔会太甜。另外就系每日限量只卖20杯的温泉蛋雪糕，真系超好味！冇谂过原来雪糕可以同温泉蛋咁夹架！温泉蛋个蛋黄半生熟啱啱好，唔会有蛋嘅鯹味。雪糕系云尼拿味。用云尼拿而唔用其他口味系个好选择！因为云尼拿味道较平淡，唔会好似其他雪糕咁被士多啤莉味或者朱古力味咁盖过主角——温泉蛋嘅味。面头d cream挺身有口感。下层有粟米片同红莓。整到成个芭菲咁。😋👍🏻Cream中间摆左d薄荷叶，薄荷叶中和左雪糕嘅甜味，入口好清新。最后顺带一提佢哋嘅主菜，西京烧比目鱼，鱼烧得好香甜，而且啖啖肉！厚度都有手掌咁厚，如果加上多啲沙律汁，就更香嫩白滑了。