影片
更多
2021-06-24
1554 浏览
❀ 文华扒房及酒吧 #中环 ❀❗️五星级米芝莲多年经典扒房 记住睇内文唔好重蹈覆辙❗️——————————————————文华酒店相信大家都唔会陌生，当中嘅餐厅全部都非常有水准✨今次嚟到获得米芝莲一星嘅经典文华扒房，最出名莫过于佢哋木炭烧烤嘅扒类、威灵顿牛柳。另外头盘龙虾汤、牛肉他他、烟三文鱼等都系佢哋嘅经典🤩位于酒店一楼，室内设计经典优雅，坐近窗边可以望到对外嘅皇后像广场喷泉。上网特登细阅过佢哋嘅Menu，留意到Saturday brunch 系最抵食，可以自选三道菜，试晒佢哋最出名嘅头盘、甚至有埋招牌威灵顿🔥价钱比起佢哋平日晚市五道菜平一半，仲唔使两个人食埋同一样嘅嘢。.‼️不过千算万算，冇谂过book14:00，嚟到所有威灵顿已经卖晒😭后来店员提我地，可以book位嘅时候预留定威灵顿牛柳🥲大家去嘅时候记住记住要事先讲定‼️不过我哋都有问返，Saturday brunch嘅威灵顿同晚餐有冇分别，因为价钱平一半。侍应表示，brunch嘅系厨师整好一大条威灵顿，然后切出一块分比客人。但晚市嘅就二人份，可以享用成条威灵顿，酥皮嘅比例就会更加多。但就两个人必须食同一道主菜。有辣有唔辣，视乎大家嘅喜
❗️五星级米芝莲多年经典扒房 记住睇内文唔好重蹈覆辙❗️
——————————————————
文华酒店相信大家都唔会陌生，当中嘅餐厅全部都非常有水准✨今次嚟到获得米芝莲一星嘅经典文华扒房，最出名莫过于佢哋木炭烧烤嘅扒类、威灵顿牛柳。另外头盘龙虾汤、牛肉他他、烟三文鱼等都系佢哋嘅经典🤩位于酒店一楼，室内设计经典优雅，坐近窗边可以望到对外嘅皇后像广场喷泉。上网特登细阅过佢哋嘅Menu，留意到Saturday brunch 系最抵食，可以自选三道菜，试晒佢哋最出名嘅头盘、甚至有埋招牌威灵顿🔥价钱比起佢哋平日晚市五道菜平一半，仲唔使两个人食埋同一样嘅嘢。
.
‼️不过千算万算，冇谂过book14:00，嚟到所有威灵顿已经卖晒😭后来店员提我地，可以book位嘅时候预留定威灵顿牛柳🥲大家去嘅时候记住记住要事先讲定‼️不过我哋都有问返，Saturday brunch嘅威灵顿同晚餐有冇分别，因为价钱平一半。侍应表示，brunch嘅系厨师整好一大条威灵顿，然后切出一块分比客人。但晚市嘅就二人份，可以享用成条威灵顿，酥皮嘅比例就会更加多。但就两个人必须食同一道主菜。有辣有唔辣，视乎大家嘅喜好🧐(我自己就觉得Brunch真系抵好多，只要唔好好似我哋咁蠢就得。)
.
✷𝑀𝑒𝓃𝓊✷
☞ Saturday Brunch $788
♥ Bread (4.2/5)
有别于常见嘅sourdough，呢度嘅餐前面包系牛油味甚重松软嘅Brioche。
配上自家制嘅牛油🧈，令牛油果香气再度提升，简单邪恶好味😋。
.
♥ Amuse bouche (4/5)
简单每人一件松露多士，内里夹住甜甜地嘅焦糖洋葱🧅，正正常常。
Bread
46 浏览
0 赞好
0 留言
·
♥ Appetisers
✦ Blue Lobster Bisque (4.4/5)
招牌头盘之一！
碗里面装住爽口冻身嘅龙虾肉🦞tarragon cream，然后侍应会淋上香浓热辣辣嘅龙虾汁，将内里嘅龙虾肉座热、溶化啲忌廉。
龙虾味非常鲜甜，口感顺滑，难怪系招牌之一✨。
Lobster bisque
92 浏览
0 赞好
0 留言
.
✦ A5 Waygu Beef Tartare (4.2/5)
其中一道我经常会嗌嘅头盘，食过好多间唔同嘅牛肉他他，大部份感觉都系差不多。
呢间嘅调味出乎意料地有耳目一新嘅感觉，多咗蕃茄嘅酸甜，隐约有少少鱼柳包嘅酸瓜味😚。
唯独系只配上一小块sourdough，不过因为佢本身唔会太咸，就咁食都OK。
Need tartare
60 浏览
0 赞好
0 留言
.
♥ Mains
✦ Slow-roasted USDA Prime Rib of Beef (4.3/5)
冇晒威灵顿超级唔开心😫唯有问侍应仲有咩好推荐，侍应话呢个烤牛肉都系唔少人再度回头嘅原因，所以我哋决定一试。
呢一个烤牛扒系除咗威灵顿之外嘅招牌菜✨侍应会系你面前即切，不过就冇生熟程度选择。个情形有啲似有时喺自助餐会见到嘅烤肉section，由厨师切出两薄片牛扒。
不过当然呢度嘅牛肉质素就高好多，牛味重，有咬口但唔韧，边边位有少少肥肉仲更加香口，难怪咁多人为咗个牛扒回头🔥。
不过千祈唔好以为呢款系超大份好厚身𠮶种牛扒，佢真系只系喺个大牛柳到切两片出嚟。
另外会配上兜杂菜，烹调得好好，系食过最出色嘅杂菜🥦。
Slow-roasted USDA Prime Rib of Beef
68 浏览
0 赞好
0 留言
Slow-roasted USDA Prime Rib of Beef
50 浏览
0 赞好
0 留言
.
✦ Roasted Monkfish (4.1/5)
另一道店员推介嘅菜式，不过后来上网见到，佢哋有另一道鱼Dover Sole都好似几出名，不过就要加$128。
呢款鱼嘅口感唔系爽口弹牙，而系比较mushy，我觉得还可以。
加上香浓嘅白汁，再有少少泰式香草味，唔算话好特别，但系好食嘅👌🏻。
Roasted monkfish
79 浏览
1 赞好
0 留言
.
♥ Desserts
甜品质素整体还好，始终系扒房，唔系精致嘅法国菜，甜品水准冇话非常之高，但当然都有质素。
✦ Millefeuille (4/5)
有别一般嘅拿破仑，而系打横嘅圆柱体，几特别。
酥皮夹住吉士、香甜嘅芒果，最正系配上椰子味嘅雪糕，唔错👍🏻。
Millefeuille
27 浏览
0 赞好
0 留言
.
✦ Souffle (4/5)
疏乎厘有好多唔同口味选择，包括原味、莓、姜、酒味、同埋我哋拣嘅70%朱古力味。
表面加上左一层朱古力酱，入口有少少流心嘅感觉，有啲似心太软。
不过口感稍嫌有少少蛋白嘅胶质(唔知你明唔明🙈)。
Souffle
27 浏览
0 赞好
0 留言
.
♥ Petite Fours (4/5)
最后会送上每人一粒马德莲同埋两条朱古力。
马德莲新鲜焗制，外脆内湿润，唔错。
朱古力就系简简单单嘅爆炸糖朱古力、橙皮朱古力🍫。
Petite four
25 浏览
0 赞好
0 留言
——————————————————
✨整体味道: 4.2/5
✨环境装修: 4/5
✨服务态度: 4.3/5
✨性价比: 4/5
✨再访兴趣: 4/5
.
💞整体来讲
始终系多年屹立不倒嘅五星级米芝莲扒房，当然有一定嘅水准，每一道菜色都唔会令人失望，我觉得都值得一试🔥不过亦作为经典扒房，菜式就唔会过于创新有惊喜，感觉都几适合带埋年长一辈来庆祝，应该会啱佢哋口味。至于环境方面，位于文华酒店一楼，就唔会见到海景，不过好彩嘅话都可以望到皇后像广场。侍应有善，但未至于贴身‼️另外再三叮嘱大家，如果想食到威灵顿，记住落单嘅时候就预先留定，唔好好似我哋咁蠢！
张贴
