野郎Stone Ya Rou Stone

营业中

休息中

听闻过呢间餐厅好耐，今日嚟试试。点完食物之后，仲可以行阵超市先，之后推埋成车食物嚟食lunch，正！美国牛肉片+鸡肉 ($88)睇住店员将食物慢慢砌入蒸笼内，在蒸熟先上菜，好过瘾！一打开，第一层就系牛肉及鸡肉，最底就系杂菜。呢度冷气超级大，但好在有成个电磁炉喺我前面，冷气几大都唔洗怕，因为无论几时食，我啲食物都仲系热辣辣！仲要有成大樽生蒜头，正呀，疯狂地倒落去，一路蒸啲蒜香不断涌上嚟，开心到不得了！美国牛小排 ($178)店员话可以将牛肉包住杂菜，再点啲芝麻酱咁食，就系冲绳风味嘞！食物份量绝对有五饼二鱼嘅感觉，好似食极都仲有咁！啲蔬菜因为系蒸嘅关系，所以非常鲜甜，仲吸收晒牛肉汁；牛肉肥瘦适中，筋及肥膏都唔多，啖啖肉！以蒸嘅方式食牛肉，又真系比较少，不过又好过瘾，下次要再嚟食！