野郎Stone Ya Rou Stone

营业中

休息中

遲咗食晏度度多人，揀咗呢間一田入面嘅餐廳，坐bar枱又得，喺隔籬open area食又得。食咗芝士漢堡扒飯，漢堡扒正常嘢，厚身大份，芝士溶得晒，連鐵板上keep 住熱辣辣。68蚊有埋嘢飲送，抵食。

去完北角匯睇九龍城寨(男人的浪漫！)黎左野郎stone lunch. 女師傅絕對係靈魂人物, 火喉控制好好👍🏻紐西蘭羊架-叫左4支骨, 煎得恰到好處！仲會就埋上石燒的溫度完全唔會過熟-羊味唔會太”蘇”, 要有少少”蘇”先好食！欣賞佢唔係勁瘦，羊肉要有肥皂先好食👍🏻-$148黎講CP值好高，係超巿淨係買生羊架都唔只呢個價錢牛舌芯原條-芯位真係唔同啲，爽口彈牙，師傅可以幫手切開方便食-牛味牛脂都好香，大量洋蔥係底勁吸牛汁餸飯100分👍🏻-師傳推介沾味增+柚子胡椒做醬汁，真心同牛舌好夾！自家製的白松露蒜蓉也不錯吃

牛舌芯唔係周圍都有得食，仲要係原條上，一直係牛舌關注組有留意到，今日終於一試店鋪於一田超市內，開房式，就算油煙都唔會焗到成身係，店員姐姐服務都好好，食牛的，直接推薦牛舌芯檯上有多款醬汁可自行調製，其實原汁原味是最好的，不過燒肉汁好香，店員姐姐仲介紹用麵豉加柚子醋汁沾牛開放式廚房，直接看到店員在鐵板上烹調我點的是牛舌芯套餐，原條牛舌芯上𠝹左花，放上石板上，熱騰騰的，賣相出眾將牛舌芯搬到另一隻碟上，再行自放在石板上控制熟度，7成熟的牛舌芯入口非常爽彈，衝出牛香味+$30 轉套餐，有白飯，沙律，湯及飲品任refill 店員另外推介黑豚豬扒，7成熟就可以吃，味道比起出面的更濃黑豚豬有厚度，並不是一般的豬扒，口感不會太硬太實牛舌芯真係大力推薦

👌🏻早排行北角匯一田超市既時候，已經留意到呢一間鐵板燒牛扒餐廳，晚市時間啲鐵板燒既香味不斷散發出黎，今日放工終於抽到時間黎食個晚餐試一試 😋👅 美國頂級西冷 + 日本煙燻豚肉腸餐廳提供幾款牛肉部位比人選擇，食肉獸咩都想試下，又唔知食邊款好 😖 店員於是推薦呢款西冷扒，話係餐廳最新推出，牛味較濃，一於點份200g 黎試下～等左大概 5 分鐘，店員就準備好份餐啦～伴隨住熱騰騰既鐵板牛扒而來既，就係滋滋既響聲以及牛扒既香氣～😍 有啲可惜牛扒上枱時已經有6、7成熟，不過切開再撒上監及黑胡椒一齊食，依然牛味香濃，肉質易咬不韌，而另點既日本煙燻豚肉腸燻香味美，配合套餐既餐飲、湯、沙律及白飯，豐盛又有營養既一餐 Get ✅✅▫️◾️▫️◾️▫️◾️▫️◾️▫️◾️▫️◾️▫️◾️▫️野郎Stone Ya Rou Stone (北角)📍北角渣華道123號北角匯二期B1樓一田超市內NP-13-105號舖

🫶🏻往時好鍾意食鐵板燒肉，但相熟既店鋪唔係執笠就質素漸差，苦尋不獲好食既餐廳。最近去左朋友介紹既呢間鐵板燒肉，設係北角一田超市內，可選擇既肉類都不少 🧚‍♀️🔹 200g 美國上級牛小排+套餐諗左一輪，最終選擇左牛肉味道比較濃既牛小排。點餐後埋位坐低，見店員開始解凍同醃牛扒，大概十分鐘左右就出得餐 👍🏻上餐後，只見牛小排加上紅椒、洋蔥、蒜頭等係熱燙既鐵板上滋滋冒煙，油脂慢慢湧現，香氣漸現。食客隨自己心意燒肉到相要既熟度，邊燒邊切。一見內裡嫩粉紅就加鹽食用，牛小排肉質軟熟，一咬就爆汁 😖 牛肉味相當濃郁‼️ 另加 $ 30 就有汽水同無限添加沙律、湯／飯，呢個價錢完全食到個質素，值得推薦 ♥️♥️♥️ 🔹🔸🔹🔸🔹🔸🔹🔸🔹🔸🔹🔸 野郎Stone Ya Rou Stone (北角)📍北角渣華道123號北角匯二期B1樓一田超市內NP-13-105號舖⏰ 星期一至日：12:00-20:00💸 全單 $ 250 / 1 人

大概記得北角匯裏面是有一田超市的， 但絕對唔會唔記得當中有一間在超市裏面，叫野郎蒸的熱石板專門店的牛舌芯料理。牛舌芯之前已經幫襯過的牛舌芯， 真的美味到不能忘記。 今次經過店長姐姐推介， 嘗試原條牛舌芯， 真的有過之而無不及， 更加多的肉汁， 更加的鮮甜， 而且因為原條可以自己切件的關係， 舌心一部分更可以控製到半生熟效果， 依然粉嫩， 而接觸到熱石板的的位置更多亦都卻更加香脆，絕對可以列入招牌名物。橫膈肌齋聽名字以為會比較有咬口的， 原來非常軟 綿多汁， 沒有太多油脂， 但肉汁香氣足以彌補一切， 不同於和牛的油花香， 橫膈肌 更能顯出牛本身的鮮甜味， 配搭伴碟的洋蔥和炸蒜片及一口熱騰騰的白飯， 好吃到痴線。#野郎蒸 #北角匯 #熱石板  #牛舌芯 #橫膈肌

野郎蒸的牛舌芯總是令人回味，定期便要來滿足一下自己。和朋友點了原條牛舌芯和牛板腱(150g)，加$30配了套餐，有沙律、湯、飯(無限添加)，還有汽水或茶可選擇。原條牛舌芯可原條上或厚切，今次選擇了原條上，真的食多少次都令人愛上😛 原條牛舌上枱賣相已經非常吸引，牛舌肉質鮮嫩，經過石板燒烤，外層微焦，內部保持多汁的口感，爽口彈牙。枱上放有不同的調味料，可自行添加，配搭不同的口味。牛板腱(150g)牛板腱肉質結實，肉汁鮮美，石燒可以自己控制牛排的生熟程度，五成熟的牛肉加上蒜片，非常香口，絕對是肉食愛好者的最愛。下次一定要點300g的份量😆

大家如果唔介意坐吧枱響超市入面食高質牛扒就必須試吓呢間野郎我呢個牛魔王係會成日掛住呢度嘅非常高級嘅食材特別推介牛小排同牛舌心牛舌心限量供應今日終於食到我揀咗厚切真心不得了 質感鬆軟彈牙牛舌心舖於石燒板生熟度由自己控制聽到吱吱聲 聞到油香就知道不得了我加錢配埋沙律 薯茸 白飯無限添食醬汁自己亂配搭始終都係鍾意芝麻醬同海鹽幾日前食過 今日又想再食真係好正㗎上次食牛小排唔記得影相所有都係嚴選優質食材價錢又公道 極力推介

餐廳係一田裏邊Lunch time 唔係太多人應該冇咩人知到一田入邊有餐廳🫢行過都聞到好香bbq 味🤤⭐️一夜干雞扒⭐️+$30 有任食飯🍚，湯，沙律菜🥗，汽水見到staff係即叫既燒，夠新鮮👍🏻唔係太多人，等咗十分鐘到個餐就ready雞扒好大件，配上洋蔥🧅雞皮好脆，雞扒肉質鮮嫩，又juicy👍🏻唔洗點汁都好好食😋😋石板燒非常熱，所以雞扒食既時候唔會凍咗Staff都好細心，有俾多個碟裝肉，咁啲肉就唔會燒過龍雞扒都多油，加上石板燒好熱啲油都彈得幾勁🙈如果提供埋一次性圍裙會好啲沙律菜🥗 份量正常，菜都幾新鮮飯🍚，湯，沙律菜🥗都有任食所以一定唔夠飽

今日喺渣華道打完波，朋友就帶咗我去北角匯一間佢好鍾意嘅餐廳度食夜晚。🛎 橫膈肌 200g $178呢個係出去其他餐廳唔常見既部位，去到一啲比較講究嘅燒肉點先搵到，所以見到就諗都冇諗啲叫咗。店長都提醒我哋要同啲肉紋成垂直咁切，就唔驚會變到好韌～🥩呢個部位果然係名不虛傳，牛味濃郁之餘十分至柔軟，無論你係鍾意食生啲或者熟啲嘅朋友，都絕對唔可以錯過。本身牛扒嘅質素極高，店員只係簡單以黑椒同埋海鹽去調味🧂已經可以帶出滿滿嘅牛味。再加埋石板上嘅蔬菜同大蒜，就算要我食三碗飯都可以！😜🛎 黑豚豬扒 200g $118我以為係牛扒先咁出色嘅時候，我朋友點嘅黑豚豬扒套餐亦都帶嚟咗一個驚喜。店家使用嘅黑豚豬扒肉質十分爽嫩，亦都冇太多多餘嘅脂肪要切除。肉扒好厚，大大份亦都係啖啖肉。因為佢係黑豚豬嘅關係，無需要煎到全熟，慢慢咁煎到粉紅色亦都可以🐖，令到我哋可以品嘗到更加鮮嫩嘅肉質同肉汁💦。對於唔食牛嘅朋友嚟講，都係一個十分好嘅選擇。🛎 跟餐 椰菜沙律 汽水 白飯 麵豉湯跟餐嘅配菜都比較清淡，不過正好可以喺飯前飯後再來比較清淡嘅配搭。大熱天時配上一杯清涼嘅汽水🥤亦都令人感覺清新。🌐 環境/服務餐廳位於地庫一田超市

見好多人係牛舌關注組講呢間牛舌芯，過開黎附近做野，必定把握機會一嚐，果然係香港暫時食過既頭三😎姐姐兼顧收銀同廚房忙到踢曬腳，但都熱情又健談🫶🏻▪️ 牛舌芯 + 套餐（8.5/10）💲148 + 30有得揀原條或者厚切牛舌芯，要左前者真係不得了‼️切開色澤超級粉嫩，不過都趕就無影到個橫切面🫣口感會係滑身得黎帶有彈性，保留到有肉汁，完全唔會話乾韌，好味到唔捨得食最後嗰幾舊，事隔幾日已經想翻兜🥹本身有椒鹽調味，重口味既話可以自行再加蒜泥或者醬汁🫙套餐有薯蓉、飯、湯、沙律無限添加，仲會有一罐汽水🥤飯有加上左飯素，唯獨係麵豉湯偏鹹左啲🤏🏻▪️ 芝士和牛漢堡扒飯（7/10）💲68（午市套餐）另外呢個餐就勝在抵食，漢堡扒厚實既，切開唔會話鬆散，焦香味濃，連同芝士感覺會較膩，整體中規中矩🤓🔎 整體評分（8/10）

要數香港平價既鐵板餐, 我第一時間就會想到「野郎」，佢哋唔單止食物種類多, 午市套餐價錢親民貼地, 非常超值~星期六就同bff嚟到位於一田超市內既野郎北角分店食鐵板餐 午市套餐價錢由HK$58起, 就已經包了汽水/湯, 多加HK$30就可以無限任食薯蓉/飯/湯及沙律, 而肉類更有重量選擇, 分別是150g, 200g及300g! 牛舌芯(原條)店員先將牛舌芯煎到7成熟, 再放上鐵板, 最後加入黑椒及洋葱等就大功告成, 牛舌芯其實可以原條上, 但我覺得厚切食時就比較方便, 厚切咗既牛舌芯大約有2cm 厚，口感爽脆彈牙, 肉汁豐富, 入口帶有一份甘香既油潤感, 加上牛舌芯邊位的微微焦香, 真心好好味~ 牛板腱牛板腱厚身大塊, 送上來時已經有陣陣肉香，牛肉肉質細緻, 好有咬口，脂肪含量唔算多, 但牛肉味就好突出，加埋蒜泥一齊放入咀喥, 好滿足. 

一直未試過地庫一田個food court, 落到下面見到個menu有鐵板燒好似唔錯, 價錢合理, 就試試佢, 位置闊落有空間, 舒服豚肉鐵板燒, 份量非常豐富，菜又多, 豚肉份量都多, 但係亦都有啲油膩，麵豉湯有少少偏鹹整體來講，呢間餐廳同埋份量都好適合打工一族嘅人嚟呢度lunch嘅地方，又多樣選擇, 下次我都會再拎試吓其他菜式

牛脷牛脷我真係好鍾意食牛脷，但只有牛脷芯先至又爽口，又有油脂每次食北角匯樓下一田超市入面間野郎Stone嘅牛脷，都唔會令我失望佢哋嘅牛脷寫到明係用牛脷芯，收費$148，如果加套餐再加多$30，但我都覺得絕對物有所值上枱前姐姐會問你喜歡成條牛脷上，定係佢幫你切咗片先，我覺得成條上可能難handle，我就選擇切片，切完之後姐姐會煎香兩邊，大約係五成熟左右，然後用火山石上枱，再由自己控制每一片嘅生熟程度，我喜歡六七成，所以通常再煎一煎兩邊就可以食，由於片片都係牛脷心，所以完全唔會韌，油脂感爆燈，超好送飯醬料方面有好多選擇，燒汁，海鹽，辣麵豉，蒜蓉，芥辣任你點樣配搭朋友冇我咁迷戀牛脷，佢就揀咗西冷，由於都係用火山石上枱，所以姐姐都係煎香兩邊，大約四至五成熟，再由我哋原塊切片，自己控制每一片嘅生熟程度。西冷肉味比較濃但唔算肥，所以唔可以煎太熟，五至六分熟就最好，而西冷係適合配芥辣食嘅套餐包括沙律，麵豉湯飯同飲品，全部食哂真係超滿足 😘😋

我們好喜歡食燒肉, 女友最近愛上了石板燒, 好享受那種用石板熱燒的情趣.   今晚剛去北角匯, 找到 野郎Stone Ya Rou Stone, 立即訂餐.大家先選擇一款主食,  我要美國精選肉眼 200g,  女友要 美國上級牛小排 200 g.加 $30 便可以添加飯, 薯蓉, 沙律, 湯. 飲品一次.  店長介紹 日本芝士豚肉腸, 大家也叫一條試試 .  開放式廚房, 乾淨企理.   落單後, 可以看見師傅在準備食材. 店員指示, 我們先讀  ,  看看有冇疑問.又提議燒肉送到時, 自己可以倒下燒汁,  留心牛扒的油脂會在石燒上彈開,  可自取白抹手紙遮住跳躍的油,  約 15 分鐘,  店員一盤子食物送到了. 在熱石板上, 美國上級牛小排 200 g, 日本芝士豚肉腸一條,  熱騰騰.   跟有湯, 沙律白飯和汽水, 樣樣齊. 先食 椰菜沙律熱熱身,  新鮮, 好爽脆 ,  健康又醒胃.  我食了兩碗.再飲口味噌湯,店員有經驗,  又細心, 叫我們小心別碰熱石板, 師傅已把牛肉底面煎封, 鎖住肉汁,  要擋住跳動的油.  日本芝士豚肉腸已燒熟, 入口美味, 芝士香濃.我那份 美