Siam 28

营业中

休息中

Item: Siam 28
Rating: 3
Author: 奥志雷

4.5

633 食记

味道

环境

服务

卫生

抵食

43027

铜锣湾

$101-200

泰国菜海鲜咖喱

526

奥志雷

等级4

2.1K

期待已久既美食聚会，今次地点由嘉雯姐提议试一试泰北风情，但何为泰北菜呢？我跟几位朋友仔首批到达，探一探路、视察环境，饮返两杯啤酒热热身先。早前已上网备足货，对食物有一定既慨念，都略略知道餐厅有咩美食提供，今晚难得 9 位朋友抽到空出席，可以点更多菜，可以试多一点。

到等左一段时间，但朋友们还未到齐，因为实在太肚饿，大家投票决定 order 小食顶住肚先，我当然赞成啦。Order 几款前菜后，侍应随即端上泰式酱料，器册精致，整齐地一字排开。5 款泰式调味料，鱼露、酸辣汁、甜酸酱、薄荷酱、青瓜酱油，其具特色，因应个人喜好随便享用。

食越南菜饮越啤、食日本菜饮 saka、食韩国菜饮真露、食西班牙菜饮 sangria、食泰菜当然饮泰啤啦 ﹗泰国 Siha 啤酒，第一次试，好饮过泰象啤㖞，冰冻清爽重啤酒味。

泰式生虾刺生，明显不是生㓥即做，欠缺鲜味、欠缺黏黏湿润质感呢。只爽但不弹，大路稳阵派。傅统正宗配料，夹上辣椒苦瓜沾埋大量酸汁同吃，甘香微辣，醒神醒脑，味道还可以。炸虾头就麻麻地，完全无味既？感觉不到香脆又无虾膏，麻麻地。

炸女婿蛋，睇埋英文 Fried son in law eggs 都想像唔到系什么菜色，不过我一早上网睇左喇，点都试试，哈哈 ﹗竽丝炸成雀巢再盛著炸白鸽蛋，卖相就一流喇，即叫即炸，气味迫人。原只炸蛋啪入口，微温又唔系太热㖞。

整个菜以大量烧烤酱捞成，食不出有任何其他调味，甜味浓厚单调，垫底既猪肉丝跟鸽蛋及雀巢全部一样味道，香口就几香口，雀巢卜卜脆。如果所有食材鸽蛋、雀巢、猪肉丝同一时间食，会较有趣，生色不少。

香炸胡椒牛柳粒，依碟叫牛柳丝，唔系牛柳粒啦。食落质感同味道跟我系 7-11 买既零食五香牛柳干一模一样，只系较湿同埋热架啰。淡淡胡椒味，太含蓄唔够突出，咬茖香口，外层微脆而内里 juicy，助酒小食不俗。

青木瓜沙律，朋友们话辣，但我完全食唔出，微酸不辣非常清淡。青木瓜丝跟其他杂菜丝捞埋一齐都分不清了，爽口多汁，可请口腔清爽一下。

炸免治猪肉球，貌似咸鱼煎肉饼，味道 100% 完全系生菜包既炒猪肉松，散发著香茅、鱼露、干葱、紫洋葱、香叶、等等既气味，落味都几重手，都合格既。外脆而里面食到一粒粒肉松，没有酱肉剁成浆，而且炸得不够干爽，略带油腻。

炸通菜 morning glory，英文名叫好有趣啊 ﹗咁奇怪叫牵牛花？通菜英文系 water spinach 架麻。一直对依味𩠌好期待，杂菜天妇罗就食得多，通菜天妇罗都系第一次。外观都几可爱，好似树枝呢。炸粉太多食唔到到通菜味道，亦闻唔到什么香气，胜在特别。炸得略脆但有点油腻不干爽，油唔够滚，一系就炸两次啦。

炸鱼饼，香茅味劲浓厚，带少少清爽柠檬叶酸味，鱼肉嫩滑，略略偏咸，新鲜稍逊而弹力不足似鱼腐。

炸虾饼，大路普通，虾胶微弹，炸得非常松脆香口，试左几款炸物，暂时炸得最好系虾饼，干爽金黄香脆不油不腻。师傅依旧调味重手，咸味突出而鲜味欠棒，都系掉落泰式甜酸酱打两个关抖先食为妙，即刻好味左。

香辣牛腩汤，真系招牌菜？牛腩唔错有质数，已尽吸香料味道，够腍够松化。不过牛腩都无辣味既，仲微过 BB 辣，即系汤同牛腩系分开煮啰。汤底比中辣辣少少，味道实在太单调，全部来致干辣椒粉，有点闷，只辣不香，一般。而且个汤都无牛味既，牛还牛、汤还汤，菇味、茄味就多喇。

猪肉生菜包，炒得干身，猪肉松非常香口咽韧，不过只有香料味但无酸无辣，泰北系如此风格？系依只味？我平时食开要加辣的呢。用鲜爽翠绿又充满水份生菜包住食，一边浓郁、一边清新，但味道又出奇地夹，好味道 ﹗

黄咖哩牛腩，侍应哥哥介绍有红黄绿咖哩供应，款款唔同味道。眼见份量都几细架㖞，一个人都唔够食啦，我地 9 位食家呢。

黄咖哩牛腩，深橙黄色咖哩汁，睇到都觉得好甜呀 ﹗特浓超级甜椰子奶味道，非常幼滑而厚身，好似食紧椰子雪糕一样呢，仲见到混入左大量新鲜苹果啊。牛腩只有三四旧仔，份量少得可怜，跟刚才牛腩汤既份量一样。咖哩无牛腩味，仍旧腩还腩、汁还汁，无一齐炆过煮过，是但捞埋一齐就出货。

青咖哩鸡，黄咖哩系 5 级甜，依个青咖哩都唔弱有 4 级，椰子奶味依旧强劲霸道，唔食得辣既食家们黎 Siam 28 叹咖哩就最适合喇。鸡胸肉又干又鞋又硬，份量免强有四五旧仔既，仲混有少量杂菌。味道较黄咖哩清爽，不太腻滞。

薄饼，专登 order 用黎点咖哩食架，咖哩即时好味左，无咁甜 ﹗薄饼软塾棉棉富弹性，咸香吸引，配上青咖哩或黄咖哩同样好好味，抢呀 ﹗

烤猪颈肉，真系好难话唔好食，容易调味又容易煮理，暂时未试过一间食肆连猪颈肉都烹调唔到。碳烧香味出众，外层微㶶刚刚好，香口又唔会带苦涩味道。外面干爽而里面湿润，肉汁微渗香甜，弹牙爽爽的，必食之选，满意。

炒鱼肚，香叶、红椒、芽菜混埋一齐炒，但全部我都唔食呢。挑虾仁试试，鲜爽香甜，好味啊 ﹗鱼肚本身无咩，跟蛋一齐炒，已充满著蛋香味道。炒蛋嫩滑甘甜，炒功好，够镬气，好味。

煎蚝仔，炒蛋金黄香喷喷，蚝仔雪白肥美，鲜味突出，系口内不停爆破，蚝汁跟滑蛋完全合体，味道升致顶尖 ﹗

辣椒膏炒花蛤，不是生炒花蛤，出过水烚过无鲜味无花蛤味。蛋白质已流失，花蛤肉变得瘦猛猛薄衣衣。辣椒膏本身带甜，辣味微弱得很，炒得唔好食。

炒金边粉，外观艺术品一样，设置精致又考功夫，好有心思。我地见到个蛋网都为之惊叹，好难做啫！最初见到有条葱插系度唔知想点呢？做装饰似乎多此一举㖞，后来先发现原来系海龟条尾，哈哈！

真系要加好多想像力先得睇得到，有头有脚仲有尾添。上菜时以为系炒饭添，睇真一点原来系蛋网盖住金边粉啊。金边粉㶶左喇，好大阵㶶味，质地咽韧有弹力，强烈甜味不太喜欢。最正系香煎虾球，香口惹味、爽弹甜美。

虾酱炒饭，难得的美味 ﹗虾酱坚香，清香不咸不呛，炒得饭粒干爽饱满，每粒饭都平均沾上虾酱跟豉油，捞埋滑蛋指天椒再搭块泰式腊肠，绝对的停不了口，好好食呀 ﹗

辣炒通菜，即马拉盏炒通菜，都预左马拉盏偏油架喇。旱通甚少爽嫩多汁又不硬，不过今次质数坚好呢，而且炒得微辣香口有镬气，好食，系油左少少啦。

椰汁糕，放得整齐又美观，食欲都增加不少啦。咽韧弹牙，口感一绝，椰汁清香不浊，连我唔食甜品既都觉好掂，好味道。

炆皇帝蕉，估唔到系冷盘。大家一试震惊！硬蕉？质感非常特别，劲度极似粟子呀，连味道都非常似，好搞笑有趣！味道清淡，配上甜甜椰汁，不过不失，可以一试。

芒果糯米饭，升级 fusion 版黎㖞，联想到加蛋香煎糯米鸡啰。将糯米饭切成饼状再加蛋干煎，好香好咽韧而且散发出强烈蛋香及糯米芳香，口感味道都好特别，配以甜甜椰汁，好味㖞 ﹗再试试切旧芒果用糯米饭夹住咬，凉浸浸酸甜多汁果香撞上暖笠笠咽韧椰香糯米饭，味觉视觉触觉都超陈出新，绝呀 ﹗

自携阿肾手造蛋糕，胜过今晚所有食物，真系坚好味，连我讨厌甜味既都忍唔住食住一旧。朱古力忌廉提拉米苏软塾滑溜香浓甜美，好正 ﹗

Siam 28 营业中 休息中

Siam 28

营业中

休息中