Texas Burger (已結業)

20190925星期三晚7点钟黎到Walk in，唔洗等位。餐厅系朗豪坊顶层，交通方便而且干净。我地两个人就坐左四人位，食到一半人开始多都冇叫我地还返两个位出黎，所以都阔落好坐。德州烧烤牛肉汉堡 $88汉堡嘅烟肉做得好脆口好食，另外面包都做得脆口得黎而唔硬。不过如果牛肉可以处理得多汁啲就更好。墨西哥芝士软饼(软皮，猪同鱼) $88猪肉哥件有跟牛油果莎莎酱，汁酱味道唔错，可惜系猪肉有少少鞋口。鱼肉哥件除左一样嘅牛油果莎莎酱，另外重有芝士。鱼肉本身系炸鱼，冇油益味好清爽。金黄咸蛋黄薯条配杂莓酸甜酱 $58蛋黄酱唔系化学味，薄薄一层唔会太咸口。酸甜酱唔甜岩岩好，令成份薯条清新左。冰镇朱古力蛋糕新地 $68实物黎到连埋干冰上，系餐牌上面冇嘅，黎到吓亲左少少。Bownie唔会死甜而且有朱古力味，咬落去脆身。新地都食到奶味。依个价钱有得食有得睇都唔错。最后埋单当然有加一。