MOBIN (已搬遷) 新店位置

朋友介绍我去一间喺旺角叫MOBIN嘅楼上Cafe，沿路经过一条窄长嘅楼梯。进入餐厅后感觉截然不同，环境既宽敞又开扬。万圣节就到，呢度都推出咗同万圣节有关嘅食品MOBIN南瓜浓汤。呢个南瓜汤入面并不只是南瓜蓉，而且仲配有碎辣椒，好有口感。旁边仲配有墨西哥脆片，点汤更好味。西班牙烤洋葱薯仔5"原个蛋饼可以话系佢哋嘅Signature，五吋蛋饼相当足料，上面仲有一片厚厚嘅蕃茄。蛋饼入面包住薯仔片，真系又好味又饱肚。嚟Cafe当然要食吓甜品，纽约芝士蛋糕配自家制龙舌兰焦糖酱感觉厚实，配上焦糖酱味道唔错。蜜桃冰茶带有蜜桃香，清清地几好味。Ginger Latte系鲜奶咖啡配以姜味糖浆，香得嚟又唔太甜。