Hooray Bar & Restaurant (已結業)

喜欢去新嘅餐厅，就好似初认识嘅朋友; 第一个印象最深刻……餐厅感觉舒服、宁静; 令忙碌紧张嘅一日划上休止符……系时候好好享受今晚！餐厅分两个区域，室内供应set dinner; 而室外只提供小食同饮品，我哋选择先喺室内舒适用餐，餐后再坐室外梳化慢慢享受属于自己嘅夜景。室内冷气非常利害女仕们要记紧带备小外套。2款set dinner：$680 for 2 或者 $380 per person (plus 10%) 2款set嘅菜式并不一样面包暖笠笠，喺咁冻嘅环境特别好味生蚝新鲜，柠檬泡沫始终唔及新鲜柠檬味道重好味道 好钟意卡邦尼，够香，够浓味，非常惹味猪手烧得非常香，块皮脆卜卜，肉质嫩，连配菜薯仔都好好味但系酸椰菜本人就唔多识得欣赏块皮真系太过脆，切开都需要相当大力度，难得serve我哋枱嘅职员后期主动替我哋将猪手分开好细心又滑又嫩，好味道！保持轻松心情，划上完美句号。