影片
更多
2019-11-27
955 浏览
之前学长请我食下午茶嚟过呢到，环境好清闲静静哋，感觉完全系可以慢活一下😌，倾下偈，所以呢晚到我带朋友嚟试下。餐厅位置隐世得嚟其实又唔算好僻，喺石硖尾站出嚟后行条长楼梯转左行过埋学校就系，正正喺青年旅舍地下。我哋有book到枱，所以餐厅已留座，见到7点半已经有唔少食客用膳中。环境真系好舒服，餐枱好大，唔会令你有焗促感，而灯光色调较暗，以木制家私为主，成个感觉系可以令你放松。晚餐menu都有几多选择，前菜同主菜都各有10款拣，仲另外有个套餐。我哋想食意粉🍝，所以决定散叫。价钱定价都几合理，西餐厅嚟讲性价比颇高，前菜全部唔过百，主菜平均计百中就有交易，稍为新派少少嘅茶餐厅其实都叫紧差唔多价，最多平少少。但呢到成个氛围同食物质素完全系另一个级别。首先，我哋一人叫咗一个是日餐汤($38)，今日系甘笋忌廉汤，味道够浓够creamy但唔会重口味。而旁边嘅蒜蓉多士条就更喜出望外😍，因为系超松软同好香，同平日好硬好难咬嘅唔同，因为好好食所以觉得一条唔够喉。前菜就要咗蒜香鸡翼($78)，朋友系🐔鸡翼怪所以劲啱佢，摆碟超靓，有成6只，下面就有啲沙律菜。鸡翼煎得好脆，又大大只，蒜味好香，味蕾大开。到主菜喇，🍷
之前学长请我食下午茶嚟过呢到，环境好清闲静静哋，感觉完全系可以慢活一下😌，倾下偈，所以呢晚到我带朋友嚟试下。
餐厅位置隐世得嚟其实又唔算好僻，喺石硖尾站出嚟后行条长楼梯转左行过埋学校就系，正正喺青年旅舍地下。我哋有book到枱，所以餐厅已留座，见到7点半已经有唔少食客用膳中。环境真系好舒服，餐枱好大，唔会令你有焗促感，而灯光色调较暗，以木制家私为主，成个感觉系可以令你放松。
晚餐menu都有几多选择，前菜同主菜都各有10款拣，仲另外有个套餐。我哋想食意粉🍝，所以决定散叫。价钱定价都几合理，西餐厅嚟讲性价比颇高，前菜全部唔过百，主菜平均计百中就有交易，稍为新派少少嘅茶餐厅其实都叫紧差唔多价，最多平少少。但呢到成个氛围同食物质素完全系另一个级别。
首先，我哋一人叫咗一个是日餐汤($38)，今日系甘笋忌廉汤，味道够浓够creamy但唔会重口味。而旁边嘅蒜蓉多士条就更喜出望外😍，因为系超松软同好香，同平日好硬好难咬嘅唔同，因为好好食所以觉得一条唔够喉。
甘笋忌廉汤
$38
25 浏览
0 赞好
0 留言
前菜就要咗蒜香鸡翼($78)，朋友系🐔鸡翼怪所以劲啱佢，摆碟超靓，有成6只，下面就有啲沙律菜。鸡翼煎得好脆，又大大只，蒜味好香，味蕾大开。
蒜香鸡翼
$78
21 浏览
0 赞好
0 留言
到主菜喇，🍷红酒炖美国和牛面颊肉($198)，呢道菜同我想像中有啲唔同，我无expect有意粉伴碟哈哈，另外亦俾我一种好健康嘅感觉，因为有好多蔬菜🥕🌽🥒🥦，其中有啲菜仲比较罕见添，例如Brussels Sprouts(中文原来叫抱子甘蓝haha)。牛面肉好嫩炖到超冧啊，连同蔬菜意粉拌匀啲红酒汁，几好食。不过我觉得呢道菜如果将意粉转做细只嘅新薯🥔或薯蓉，可能又会有另一种风味。
红酒炖美国和牛面颊肉
$198
28 浏览
0 赞好
0 留言
另外，我哋要咗龙虾汁虎虾意粉🍝($148)，一上菜就已经闻到劲香，个龙虾汁真系超正，好似龙虾汤🦞咁，唔会过咸，意粉够弹牙非常挂汁，每条都好均匀好味。两只虎虾🦐都几新鲜，但就唔算好大只。呢个系我食过其中一碟最好食嘅意粉呀😋。
龙虾汁虎虾意粉
$148
15 浏览
0 赞好
0 留言
最后甜品要咗法式柠檬挞($38)🍋，我自己钟意食酸野同柠檬制食品，所以就觉得唔错，柠檬蓉同派皮都ok，但朋友话酸到盲都开眼🤣。不过个挞真系比较迷你，细咗小小。其实仲想叫多款甜品食，但已经售罄😭，得返呢款，好想试天鹅造型𠮶件。
法式柠檬挞
$38
23 浏览
0 赞好
0 留言
晚餐就包埋饮品的，要咗热柠水热柠茶，为呢餐划上完美句号☺️。
总括嚟讲，餐厅食物真系好高质素，每一样都无令我失望，下次嚟会想试多几款食物。环境亦系餐厅另一卖点，有远离烦扰嘅感觉，唔使赶交枱或大声嗌先倾到计，完全适合小聚会甚至庆祝生日等日子🥳。我会话我呢晚系享受晚餐嘅过程。服务同价格方面就都还不错，就连餐具set都特别精致👍。
张贴
